बिहार विधानसभा मां विपक्ष कै नेता तेजस्वी यादव मंगलवार का राबड़ी अउर लालू जी कय सुरक्षा हटाये जाने पर कड़ा विरोध जतवत कहिन कि डरपोक मनई ही सुरक्षा लइके ठाड़ अहैं। ऊ आगे कहिन कि हम कउनो से नाहीं डरत अही। जनता हमार साथ अहै। हमार कार्यकर्ता बड़ साहसी अहैं। ऊ इहो कहिन कि मुख्यमंत्री बने के बाद भी सम्राट चौधरी कय सोच मां कउनो बदलाव नाहीं आवा अहै… सम्राट चौधरी मुख्यमंत्री तौ बन गए, बाकिर ऊ घटिया मंत्री अहैं।
पिछले हफ्ता शनिवार का बिहार कय पूर्व मुख्यमंत्री राबड़ी देवी कय आवास पर उहय समय बहुत हंगामा भवा जब आरजेडी कय कई नेता सुरक्षा घेरा मां ठाड़ होइ गए अउर दावा करिन कि उनकर नेता एनडीए सरकार कय अपमानजनक व्यवहार कय विरोध मां अपनी सुरक्षा वापस कय दिहिन अहैं। इ घटनाक्रम राबड़ी देवी द्वारा दुई दशक से कब्जा कीन गय सरकारी बंगला, 10, सर्कुलर रोड का भाजपा नेता अउर मंत्री नंद किशोर राम का आवंटन करे कय तुरंत बाद सामने आवा अहै।
पूर्व मुख्यमंत्री, जउन राज्य विधानसभा मां विपक्ष कय नेता के रूप मां ओनकय आवंटित 39, हार्डिंग रोड पर जाये से मना कय दिहिन अहै, का इ हफ्ता कय सुरुआत मां सरकार कय ओर से एक अउर झटका लगा जब उनकर पूरा परिवार कय सुरक्षा कम कय दीहिन। आरजेडी कय प्रवक्ता अउर पूर्व विधायक शक्ति सिंह यादव, जउन गेट कय सामने बइठे वाले पहिले पार्टी नेतावन मां से एक रहे, आरोप लगाइन कि इ सब भाजपा कय नेतृत्व वाली सरकार कय हमार नेता लालू जी, राबड़ी जी अउर तेजस्वी जी का अपमानित करे कय साजिश अहै। इन सब अपनी सुरक्षा वापस कय दिहिन अहै। बाकिर सत्ताधारी दल का एकर कउनो परवाह नाहीं अहै, काहे से ऊ हमार नेतावन का मरवाना चाहत अहै।
ऊ आगे कहिन कि अब से आरजेडी कार्यकर्ता अपने नेतावन कय सुरक्षा सुनिश्चित करे कय जिम्मेदारी खुद लेइहीं। मैं उनकर सुरक्षा खातिर जिम्मेदार व्यक्ति के रूप मां हियाँ मौजूद अही। मोर साथ कई अउर साथी भी होइहीं। आरजेडी नेता आभा लता, जउन दिन मां बाद मां सर्कुलर रोड स्थित 10 नंबर कय कार्यालय पहुंचीं, ऊ राबड़ी देवी कय साथ वीडियो चैट कीन्हिन अउर उनका गेट पर ठाड़ भीड़ दिखाईन।
