मुख्यमंत्री योगी आदित्यनाथ कय दूरदर्शी नेतृत्व मा उत्तर प्रदेश कय MSME क्षेत्र, स्थानीय उत्पाद अउर औद्योगिक क्षमता का देशभर अउर वैश्विक बाजारन तक पहुँचावे कय दिशा मा प्रयास अब अउर तेज़ होइ गवा अहै। एही कड़ी मा उत्तर प्रदेश इंटरनेशनल ट्रेड शो (UPITS 2026) कय चौथा संस्करण कय राष्ट्रव्यापी प्रचार अभियान कय शुभारंभ आज नई दिल्ली मा आयोजित भव्य रोड शो के साथ भवा। ई रोड शो देशभर कय उद्योग जगत, निर्यातकन, खरीदारन, व्यापारिक संगठनन अउर निवेशकन का UPITS 2026 से जोड़े कय व्यापक पहल कय पहिला चरण अहै।
हम आप का बताइ दी कि उत्तर प्रदेश इंटरनेशनल ट्रेड शो (UPITS) आज देश कय सबसे प्रभावशाली राज्य स्तरीय व्यापार आयोजनन मा अपनी सशक्त पहचान बना चुका अहै। उत्तर प्रदेश सरकार अउर इंडिया एक्सपोजिशन मार्ट लिमिटेड (IEML) द्वारा संयुक्त रूप से आयोजित ई वार्षिक फ्लैगशिप आयोजन अब वैश्विक व्यापार, निवेश अउर औद्योगिक संभावनान कय प्रमुख मंच बनिकै उभरल अहै। पिछला तीन संस्करणन कय ऐतिहासिक सफलता के बाद UPITS 2026 कय आयोजन 25 से 29 सितम्बर 2026 तक इंडिया एक्सपो सेंटर एंड मार्ट, ग्रेटर नोएडा मा कीन जाई।
दिल्ली रोड शो मा उत्तर प्रदेश सरकार कय MSME मंत्री भूपेन्द्र चौधरी मुख्य अतिथि कय रूप मा उपस्थित रहा। कार्यक्रम मा MSME राज्य मंत्री हंसराज विश्वकर्मा, प्रमुख सचिव MSME एवं निर्यात प्रोत्साहन विभाग शशि भूषण लाल सुशील (IAS), विदेश मंत्रालय कय संयुक्त सचिव (राज्य) अजय कुमार, आयुक्त एवं निदेशक उद्योग प्रांजल यादव, विशेष सचिव के. विजयेंद्र पांडियन, इंडिया एक्सपो मार्ट लिमिटेड कय अध्यक्ष डॉ. राकेश कुमार, FIEO कय अतिरिक्त महानिदेशक सुविध शाह समेत अनेक वरिष्ठ अधिकारी अउर उद्योग जगत कय प्रतिनिधि मौजूद रहा।
कार्यक्रम का संबोधित करत भवा भूपेन्द्र चौधरी बोलिन, “UPITS उत्तर प्रदेश कय औद्योगिक क्षमता, उद्यमशीलता, निर्यात सामर्थ्य अउर सांस्कृतिक विरासत का वैश्विक मंच पर प्रस्तुत करय वाला सशक्त माध्यम बन चुका अहै। ई आयोजन MSME क्षेत्र का नई ऊर्जा देय, ODOP उत्पादकन का वैश्विक पहचान दिवावय अउर नवा व्यापारिक अवसर पैदा करय मा महत्वपूर्ण भूमिका निभाई अहै। उत्तर प्रदेश जब एक ट्रिलियन डॉलर अर्थव्यवस्था बनय कय दिशा मा तेज़ी से आगे बढ़ि रहल अहै, तब UPITS व्यापार, निवेश अउर आर्थिक विकास कय प्रमुख इंजन साबित होइ रहल अहै।”
वही MSME राज्य मंत्री हंसराज विश्वकर्मा अधिकतम सहभागिता कय आह्वान करत बोलिन, “भारत कय व्यापारिक मेलन अउर बाजारन कय समृद्ध परंपरा सदियन से कारीगरन, शिल्पकारन अउर उद्यमीन का सशक्त बनावत रही अहै। UPITS ओही विरासत कय आधुनिक अउर वैश्विक स्वरूप अहै। ई केवल एक ट्रेड शो नाहीं, बल्कि उत्तर प्रदेश का दुनिया से जोड़य वाला सशक्त आर्थिक सेतु अहै।”
प्रमुख सचिव MSME एवं निर्यात प्रोत्साहन विभाग शशि भूषण लाल सुशील कहिन कि UPITS उत्तर प्रदेश सरकार कय ओही विज़न कय प्रतीक अहै, जवनके तहत राज्य का व्यापार, विनिर्माण, निर्यात अउर निवेश कय पसंदीदा वैश्विक गंतव्य बनावा जाइ रहल अहै। उंहां बोलिन कि रोड शो श्रृंखला के माध्यम से देशभर कय उद्योग जगत के साथ संवाद अउर साझेदारी का अउर मजबूत कीन जाई।
वही इंडिया एक्सपोजिशन मार्ट लिमिटेड कय अध्यक्ष डॉ. राकेश कुमार बोलिन, “पिछला तीन संस्करणन मा मिली अभूतपूर्व सफलता ई साबित कय दिहिन कि उद्योग अउर व्यापार जगत कय UPITS पर भरोसा लगातार बढ़ि रहल अहै। ई मंच निर्मातान, निर्यातकन, स्टार्टअप्स, कारीगरन, निवेशकन अउर नीति निर्धारकन का एक साथ लावय मा बहुत सफल रहा अहै। हमका विश्वास अहै कि UPITS 2026 सहभागिता अउर व्यापारिक अवसरन कय नया कीर्तिमान स्थापित करी।”
साथ ही FIEO कय अतिरिक्त महानिदेशक सुविध शाह कार्यक्रम कय अंतरराष्ट्रीय महत्व पर प्रकाश डालत बोलिन कि उत्तर प्रदेश से उभरत उत्पाद अउर व्यापारिक अवसरन के प्रति वैश्विक रुचि लगातार बढ़ि रहल अहै। उंहां कहिन कि FIEO जादा से जादा अंतरराष्ट्रीय खरीदारन का जोड़य अउर भारतीय निर्यातकन का नया वैश्विक बाजार उपलब्ध करावय खतिन प्रतिबद्ध अहै।
ध्यान देय वाली बात अहै कि सितम्बर 2025 मा आयोजित UPITS कय पिछला संस्करण कय उद्घाटन प्रधानमंत्री नरेन्द्र मोदी कीन रहिन। प्रधानमंत्री अपने संबोधन मा MSMEs का प्रोत्साहन देय, स्थानीय उद्यमन का सशक्त बनावय अउर ‘मेक इन इंडिया, मेक फॉर द वर्ल्ड’ कय अवधारणा का आगे बढ़ावय मा UPITS कय भूमिका कय सराहना कीन रहिन। UPITS कय बढ़ती लोकप्रियता एकर लगातार बढ़त आंकड़ा से साफ अहै। वर्ष 2025 कय संस्करण मा 5 लाख से जादा आगंतुकन भाग लीन, जवने मा 1.40 लाख से जादा B2B विज़िटर्स शामिल रहा। ई आयोजन मा 2,228 प्रदर्शकन 35,000 वर्ग मीटर से जादा क्षेत्र मा अपने उत्पाद अउर सेवा प्रदर्शित कीन। हजारन व्यापारिक बैठकन अउर महत्वपूर्ण कारोबारी समझौतन UPITS का देश कय सबसे प्रभावशाली व्यापारिक आयोजनन मा शामिल कय दिहिन अहै।
अंतरराष्ट्रीय स्तर पर भी UPITS अपनी मजबूत पहचान बनाई अहै। पिछला संस्करण मा FIEO कय सहयोग से 85 देश कय 550 से जादा विदेशी खरीदारन भाग लीन, जवने उत्तर प्रदेश का एक उभरत वैश्विक सोर्सिंग हब कय रूप मा अउर मजबूत कय दिहिन। हम आप का बताइ दी कि दिल्ली रोड शो आगामी महीना मा देश कय अलग-अलग राज्यन मा आयोजित होइ वाली व्यापक प्रचार श्रृंखला कय शुरुआत अहै। ई रोड शोज़ कय उद्देश्य घरेलू अउर अंतरराष्ट्रीय खरीदारन कय भागीदारी बढ़ावय, अंतरराज्यीय व्यापार का प्रोत्साहित करय, भारतीय उद्यमन से सोर्सिंग का बढ़ावा देय अउर आत्मनिर्भर भारत कय विज़न का गति देय अहै।
UPITS 2026 उत्तर प्रदेश कय औद्योगिक शक्ति, MSME सामर्थ्य, ODOP उत्पाद, नवाचार, निर्यात क्षमता, संस्कृति, हस्तशिल्प, पर्यटन अउर उभरत औद्योगिक क्षेत्रन का एक ही मंच पर प्रस्तुत करी। साथ ही आगामी संस्करण मा ‘वन डिस्ट्रिक्ट वन क्यूज़ीन’ (ODOC) जइसन पहल का भी विशेष बढ़ावा देय कय संभावना अहै। बहरहाल, उत्तर प्रदेश जहां एक ट्रिलियन डॉलर अर्थव्यवस्था बनय कय दिशा मा तेज़ी से आगे बढ़ि रहल अहै अउर भारत का वर्ष 2047 तक विकसित राष्ट्र बनावय कय राष्ट्रीय संकल्प मा महत्वपूर्ण योगदान दइ रहल अहै, वही UPITS 2026 व्यापार, निवेश, निर्यात, नवाचार अउर वैश्विक साझेदारी का नई ऊंचाइयों तक पहुँचाय खतिन पूरी तरह तैयार अहै।
