प्रधानमंती नरेन्दर मोदी शनिवार कय देस कय युवा अउर रास्ट्रीय जनतांत्रिक गठबंधन (NDA) सरकार कय विजन कय लेके एक बड़ संदेस दीन अहै। पीएम मोदी कहिन कि उनकर सरकार ‘युवा-नेतृत्व वाले विकास’ (Youth-led Development) कय दिसा मां मजबूती से काम कर रही अहै। उ ‘पिछिले 12 बरिसन’ कय भारतीय युवा कय आतम-बिस्वास मां आवा क्रांतिकारी बदलाव कय दौर बताइन। इ बयान अइसन समय मां आवा अहै जब पीएम मोदी लगातार तीसरी बार सत्ता सम्हारत ही देस कय संसदीय इतिहास मां एक नया रिकार्ड़ आपन नाम दर्ज कइ लिहिन अहै।
मोदी इहो कहिन कि भारत कय युवा बिग्यान अउर टेक्नालॉजी से लेके विनिर्माण, अंतरीच्छ, सेमीकंडक्टर अउर ड्रोन जइसन कई छेत्रन मां आपन पहिचान बनावत अहैं। प्रधानमंती कहिन कि इ देखिके खुसी होत अहै कि भारत कय युवा ओन छेत्रन मां जोगदान देत अहैं जउन देस अउर दुनिया कय भबिस्स कय आकार देइहें।
उ ‘एक्स’ पर एक पोस्ट मां कहिन, “राजग सरकार युवा-नेतृत्व वाले विकास कय दिसा मां मजबूती से काम कर रही अहै। पिछिले 12 बरिसन कय एक प्रमुख बिसिसता इ रही अहै कि भारत कय युवा कय आपन आकांक्षन कय पूरा करे कय प्रति आतम-बिस्वास बढ़ा अहै।”
मोदी सरकार कय सत्ता मां 12 साल पूरा भवा अहै। प्रधानमंती कहिन कि स्टार्टअप इंडिया, डिजिटल इंडिया, स्किल इंडिया अउर अटल इनोवेशन मिशन जइसन पहलन से एक अइसन माहौल बना अहै जउन नब-इन्नोवेसन, उदम-सीलता अउर उदम कय बढ़ावा देत अहै। उ कहिन, “आज भारत दुनिया कय प्रमुख स्टार्टअप केंद्रन मां से एक अहै अउर इनमे से कई सफलता कय कहानी हमार युवा सक्ति लिखत अहै अउर उहौ छोट कस्बन अउर गांवन से।”
मोदी कहिन कि भारतीय युवान खेल अउर कई अंतरास्ट्रीय प्रतियोगितान मां देस कय नाम रौसन कइहन अहैं अउर युवा भारतीय खिलाड़ी लगातार देस कय मान बढ़ावत अहैं।
उ कहिन, “साथ ही, खेलन कय मजबूत माहौल, बेहतर बुनियादी ढांचा अउर खिलाड़ियन कय जियादा समर्थन मिलय से युवा प्रतिभाअन कय खातिर नया मौका बनत अहैं अउर ओनका खेलन मां आगे बढ़य खातिर बढ़ावा मिलत अहै।”
मोदी पहली बार 26 मई 2014 कय भारत कय प्रधानमंती कय तौर पर सपथ लिहिन रहे। उ आजादी कय बाद भारत कय सबसे लंबा समय तक सेवा देय वाले निर्वाचित प्रधानमंती बनि गए अहैं। उनकर दूसर कार्यकाल 30 मई 2019 कय सुरु भवा। मोदी 2024 कय संसदीय चुनाव मां एक अउर जीत कय बाद नौ जून 2024 कय लगातार तीसरी बार प्रधानमंती पद कय सपथ लिहिन। इस साल 10 जून कय मोदी 1952 कय आम चुनाव कय बाद निर्वाचित देस कय पहिल प्रधानमंती जवाहरलाल नेहरू कय 4,398 दिनन तक सत्ता मां रहय कय रिकार्ड़ भी तोड़ दिहिन। बरिस 1947 से 1952 तक नेहरू कय कार्यकाल एक अंतरिम सरकार कय प्रमुख कय तौर पर रहा काहेकि आजादी कय बाद 1952 तक चुनाव नाइ भवा रहा।
