भारत अपनी सुरक्षा क्षमता मां एक अउर बड़ उपलब्धि हासिल कीन अहै। सोम-वार का रक्षा अनुसंधान अउर विकास संगठन (DRDO) ‘लॉन्ग रेंज लैंड अटैक क्रूज़ मिसाइल’ (LRLACM) कै सफल फ़्लाइट टेस्ट करिन। ई टेस्ट ओडिशा कै तट पर स्थित डॉ. एपीजे अब्दुल कलाम द्वीप से भवा। ई देस कै स्वदेशी लंबी दूरी कय सटीक मार करय वाली प्रणाली का मजबूत करय कै दिशा मां एक बड़ कदम अहै।
अधिकारियों कै अनुसार, लॉन्ग रेंज लैंड अटैक क्रूज़ मिसाइल कै फ़्लाइट टेस्ट सफल रहा। कई ट्रैकिंग अउर मॉनिटरिंग सिस्टम से मिलय वाले डेटा से ई पुष्टि भई कि मिशन कै सबय लक्ष्य हासिल कय लीन गय।
रक्षा मंत्रालय कहिस कि ई मिसाइल मिशन कै सबय लक्ष्य पूरा कय लिहिस, जेसे जरूरी तकनीक कै पुष्टि भई अउर भारत कै लंबी दूरी तक सटीक हमला करय कै क्षमता कय प्रदर्शन भवा। DRDO भारतीय उद्योगन कै बड़ भागीदारी कय साथ एकर सबय सब-सिस्टम विकसित कीन अहै।
ई सफल परीक्षण ‘आत्मनिर्भर भारत’ अउर एक मजबूत राष्ट्रीय रक्षा इकोसिस्टम कय दिशा मां एक अउर बड़ कदम अहै। चांदीपुर मां इंटीग्रेटेड टेस्ट रेंज (ITR) द्वारा तैनात विभिन्न ट्रैकिंग उपकरणन कै जरिय मिसाइल कै प्रदर्शन पर बारीक नजर रखी गई। परीक्षण कै दौरान जमा भवा डेटा से मिसाइल कै ऑपरेशनल पैरामीटर्स अउर मिशन प्रोफ़ाइल कय पुष्टि भई।
