अभिनंदन वर्धमान कै जन्मदिन: वीर चक्र विजेता अभिनंदन कय जन्मदिन: जब पाकिस्तान मां घुस कय देखाय रहे अदम्य वीरता

भारतीय वायु सेना कै अधिकारी अउर लड़ाकू पायलट अभिनंदन वर्धमान आजु यानी 21 जून कय आपन 43वां जन्मदिन मनाइ रहे अहैं। अभिनंदन वर्धमान कय उनका वीरता खतिन वीर चक्र से सम्मानित कीन गवा रहा। अभिनंदन पाकिस्तान कय सीमा मां जाइ कय पाक सेना कै फाइटर प्लेन मारि गिराए रहे। तौ चलाव जानत अही उनके जन्मदिन कय मौका पै अभिनंदन वर्धमान कय जीवन से जुड़ी कुछ रोचक बातन कय बारे मां…

जनम अउर परिवार
तमिल जैन परिवार मां 21 जून 1983 कय अभिनंदन वर्धमान कय जनम भवा रहा। उनकी महतारी डॉक्टर अउर उनके बाबूजी रिटायर्ड वायुसेना एयर मार्शल रहे। 19 जून 2004 कय उनका भारतीय वायुसेना मां कमीशनिंग भवा। या दौरान वह फ्लाइंग ऑफिसर बनि कय सेवा दियै लागे। पहिले वह सुखोई-30 एमकेआई स्क्वाड्रन कै पायलट रहे, जेकरे बाद वर्धमान कय मिग-21 बाइसन स्क्वाड्रन मां शामिल कीन गवा। वर्तमान मां वह वायुसेना मां ग्रुप कैप्टन कै पद पै अहैं।

जब देखाई वीरता
अभिनंदन वर्धमान 27 फरवरी साल 2019 कय मिग-21 से उड़ान भरत रहे अउर पाकिस्तानी सेना कै एयरक्राफ्ट जउन कश्मीर मां घुसपैठ करत रहा, ओकर निगरानी करत रहे। या दौरान उनका जानकारी मिली कि सीमा पार से पाक फाइटर प्लेन कश्मीर मां घुसै कै तैयारी करत अहै। थोड़ी देर बाद सूचना कय पुष्टि भवै तौ अभिनंदन पाक फाइटर जेट कय खदेड़ना शुरू कर दिहिन। तभी वह गलती से पाक सीमा पार कइ गय। या बीच पाक एफ-16 उनके मिग-21 पै मिसाइल से हमला कइ दिहिस। लेकिन ओसे पहिले अभिनंदन पाक फाइटर जेट कय मारि गिराए रहे। हालांकि, अभिनंदन कै फाइटर प्लेन भी क्षतिग्रस्त भइ गवा अउर वह खुद भी घायल होइ गय।

पाकिस्तान मां गिरा विमान
क्षतिग्रस्त विमान से बाहर निकलै पै अभिनंदन पाइन कि वह पीओके कै होरान गांव मां अहैं। स्थानीय लोगन उनका पकड़ लीहिन अउर पूछै पै अभिनंदन आपन परिचय दियिन कि वह भारतीय वायुसेना कै पायलट अहैं। एकरे बाद पाकिस्तानी सेना उनका अपने साथ लइ गय।

वीडियो पै मिला भारी समर्थन
भारतीय विदेश मंत्रालय जब अभिनंदन कय या घटना कय पुष्टि करिस, तौ पाकिस्तान भी सोशल मीडिया पै उनका वीडियो जारी कइ दिहिस। जेमां अभिनंदन कय चाय पीत अउर पूछताछ कै प्रक्रिया से गुजरत देखा गवा। होरान गांव कै लोगन उनके साथ मारपीट कीन रहे, जेसे उनका चेहरा सूजि गवा रहा अउर खून निकरत रहा। बाद मां पाकिस्तानी सेना उनका इलाज कराइस। बाद मां जेनेवा संधि कै तहत अभिनंदन वर्धमान के साथ भवा गलत व्यवहार कै चलते पाक प्रशासन ओका वीडियो हटाए दिहिस।

भारत वापसी
अभिनंदन कय वापसी खतिन भारत पाकिस्तान पै इतना दबाव बनइस कि पाक सेना कय भारत कय तरफ से हमला कै डर सताय लाग। याही वजह से या घटना कय 60 घंटा बाद पाकिस्तान अभिनंदन कय भारत कय सौंप दिहिस। जेकरे बाद अटारी-वाघा बॉर्डर पै अभिनंदन वर्धमान कै भव्य स्वागत भवा रहा।