मुख्य चुनाव आयुक्त ज्ञानेश कुमार कै इस्तीफे कय मांग कैके शुक्रवार कय कांग्रेस पार्टी हियाँ विरोध प्रदर्शन करिन। एह दौरान कांग्रेस कार्यकर्तायन कय विधानसभा कय ओर मार्च करै तें रोके जाने पर पुलिस से उनकर झड़प होइ गवा।
शुक्रवार कय भारी बरखा कै बीच उत्तर प्रदेश कांग्रेस अध्यक्ष अजय राय, कांग्रेस कय उत्तर प्रदेश प्रभारी राजेंद्र पाल गौतम अउर कांग्रेस विधायक दल कै नेता आराधना मिश्रा कय अगुवाई मां प्रदर्शन सुरु होते ही पुलिस अवरोधक लगाइके प्रदर्शनकारियन कय रोक दीहिन।
चुनाव प्रक्रिया मां कथित गड़बड़ी कय लेके ज्ञानेश कुमार कै इस्तीफे कय मांग कर रहै कांग्रेस कार्यकर्ता अवरोधकन पर चढ़ गए अउर नाराबाजी करै लागिन, जेकरे बाद उनकर पुलिस से झड़प भवा। एहिके बाद पुलिस राय, मिश्रा अउर प्रदर्शनकारी कांग्रेस कार्यकर्तायन कय हिरासत मां लेइके विरोध प्रदर्शन स्थल इको गार्डन पहुँचाई दीहिन।
इही बीच प्रदेश कांग्रेस अपने आधिकारिक एक्स हैंडल से एक पोस्ट मां कहिन, “लोकतंत्र की हत्या करै वाले मुख्य चुनाव आयुक्त ज्ञानेश कुमार कय तुरन्त गिरफ्तार की जाए। ज्ञानेश देशद्रोह कय काम कीन हवै,उनका चुनाव आयुक्त कय कुर्सी पर बैठै कय कौनों हक नाइ अहै। कांग्रेस पार्टी कै प्रदर्शन जारी रही।”
प्रदेश कांग्रेस एक दूसर पोस्ट मां कहिन, “जेनका लागत हवै हिरासत मां लेइके आवाज दबाि देब, ऊ गलतफहमी मां अहैं। इ आत्मविश्वास सत्ता कय दमन पर सच कै जीत कय शंखनाद अहै।”
प्रदर्शनकारी बरखा कै बीच अपना आंदोलन जारी रखिन, महिला कार्यकर्ता ‘वोट चोर, गद्दी छोड़’ लिखे पोस्टर हाथे मा लिए रहैं।
राय भाजपा अउर चुनाव आयोग पर साजिश करै कै आरोप लगाइन। ऊ कहिन, “हक कय इ लड़ाई न रुका अहै, न रुकी! लोकतंत्र पर हमला अउर संवैधानिक संस्थावन कय स्वायत्तता से खिलवाड़ अब बर्दाश्त नाइ कीन जाइ।”
गौतमऊ कुमार कै इस्तीफे अउर उनके खिलाफ कार्रवाई कय मांग कीन। ऊ आरोप लगाइन कि चुनाव आयोग कय चुनावी गड़बड़ी देश हित कय खिलाफ अहै।
मिश्रा कहिन कि हरियाणा, महाराष्ट्र, बिहार अउर पश्चिम बंगाल कय चुनावहन मांउ वोट चोरी कय आरोप लागे रहे। ऊ कहिन, “राहुल जी सबूतन् कय साथे इ मुद्दा उठाते रहे हैं। आज इ मुद्दा लोगन कय सामने आइ गवा अहै।”
ऊ कहिन कि इ मुद्दा कौनों एक आदमी या पार्टी कय नाइ, बल्कि संविधान अउर देश कय लोगन कय वोट दै कय अधिकार कय रक्षा कै अहै।
