यूपी एमएलसी चुनाव: भाजपा छह सीट पर उतारिन उम्मीदवार, वाराणसी से केदारनाथ सिंह प्रत्याशी

भारतीय जनता पार्टी (भाजपा) उत्तर प्रदेश विधान परिषद सदस्यों कै निर्वाचन कै बरे मंगर कै अपने छह प्रत्याशियों कय सूची जारी कइ दिहिन। भाजपा कै एक पदाधिकारी इ जानकारी दीहिन।

भारतीय जनता पार्टी (भाजपा) कै राष्ट्रीय मुख्यालय कै प्रभारी अउर राज्यसभा सदस्य तरुण चुग कै हवाला से जारी सूची कै मुताविक वाराणसी खंड स्नातक क्षेत्र से केदारनाथ सिंह, मेरठ स्नातक क्षेत्र से दिनेश गोयल, इलाहाबाद-झांसी स्नातक क्षेत्र से अशोक कुमार राठौर, वाराणसी शिक्षक क्षेत्र से डॉ. प्रमोद मिश्रा, आगरा शिक्षक क्षेत्र से इंजीनियर हरि किशोर तिवारी अउर गोरखपुर-फैजाबाद शिक्षक निर्वाचन क्षेत्र से ध्रुव त्रिपाठी कय प्रत्याशी घोषित कीन गवा अहै।

उप्र मां 100 सदस्यीय विधान परिषद कै पांच स्नातक अउर छह शिक्षक निर्वाचन क्षेत्रों कै बरे कुल 11 सीट पर 23 अक्टूबर को मतदान होई। इकै पहिले समाजवादी पार्टी (सपा) कै प्रमुख अउर उप्र कै पूर्व मुख्यमंत्री अखिलेश यादव सोमचर को उत्तर प्रदेश विधान परिषद कै 11 सीट पर होने वाले चुनाव कै बरे पार्टी कै प्रत्याशियों कय घोषणा कीन.

यादव मिर्जापुर-बनारस शिक्षक निर्वाचन क्षेत्र से लाल बिहारी यादव, लखनऊ खंड शिक्षक निर्वाचन क्षेत्र से सुशील कुमार, आगरा खंड शिक्षक निर्वाचन क्षेत्र से डॉ. प्रकाश चंद्र गुप्ता, गोरखपुर-फैजाबाद शिक्षक निर्वाचन क्षेत्र से कमलेश यादव, मुरादाबाद-बरेली शिक्षक निर्वाचन क्षेत्र से दानिश अख्तर अउर मेरठ खंड शिक्षक निर्वाचन क्षेत्र से डॉ. नितिन तोमर कय उम्मीदवार बनाइन।

स्नातक निर्वाचन क्षेत्रों मां वाराणसी से आशुतोष सिन्हा, इलाहाबाद-झांसी से डॉ. मान सिंह, आगरा से शशांक यादव, मेरठ से परमिंदर भाटी अउर लखनऊ खंड से कांति सिंह कय प्रत्याशी घोषित कीन गवा।

विधान परिषद कै 11 सीट कै बरे चुनाव 23 अक्टूबर को होई अउर मतगणना 27 अक्टूबर को होई।

मुख्य निर्वाचन अधिकारी नवदीप रिणवा बताई रहिन कि पांच स्नातक अउर छह शिक्षक निर्वाचन क्षेत्रों कै बरे अधिसूचना 29 सितंबर को जारी होई, नामांकन कै अंतिम तिथि छह अक्टूबर, जांच सात अक्टूबर तक अउर नाम वापसी नौ अक्टूबर तक होई।

रिणवा कहिन कि मतदान 23 अक्टूबर को सबेरे आठ से संझा चार बजे तक होई अउर पूरी प्रक्रिया 31 अक्टूबर से पहिले पूरी होइ जाई.

इ सदस्यों कै कार्यकाल छह दिसंबर को खतम होइ रहा अहै। जेन सदस्यों कै कार्यकाल खतम होइ रहा अहै ओमां भाजपा कै अवनीश कुमार सिंह, मानवेन्द्र प्रताप सिंह, दिनेश कुमार गोयल, उमेश द्विवेदी, श्रीचंद शर्मा अउर हरि सिंह ढिल्लों, सपा कै लाल बिहारी यादव, आशुतोष सिन्हा अउर डॉ. मान सिंह यादव, निर्दलीय आकाश अग्रवाल अउर शिक्षक निर्वाचन क्षेत्र से ध्रुव कुमार त्रिपाठी शामिल अहैं।