वनडे क्रिकेट मां नंबर-3 पर भारत कै बरे लगभग पिछिला 15 बरिसन मांकाई दिक्कत नाहीं भवा अहै। एकर कारन विराट कोहली अहैं। उ अपने परदरसन से इ नंबर पर काई परेसानी नाहीं आवे दीहिन। हालाकि, अब भारत कै पूर्व सलामी बल्लेबाज वसीम जाफर कोहली कै रिप्लेसमेंट कै नाम बतावा अहै। उनकर कहब अहै कि जब 2027 विश्व कप के बाद कोहली चला जइहैं, तउनकर जगह काई खिलाड़ी का लेबे पड़ी। विराट वेस्टइंडीज के खिलाफ हालहि मां खतम भई वनडे सीरीज से पहिले कन्फर्म किहे रहे कि इ उनकर आखिरी विश्व कप होई। अइसे मां उनकर जाब के बाद तीसरे नंबर कै जगह खाली होई, जवन टॉप आर्डर मां अहम क्रम मान जाला। जाफर कै मानब अहै कि कोहली कै जगह बाएं हाथ कै जुआ बल्लेबाज तिलक वर्मा भर सकत अहैं। पूर्व भारतीय बल्लेबाज तिलक कै खेल कै जमकर तारीफ किहे अहै।
वसीम जाफर बतावा विराट कोहली कै रिप्लेसमेंट कै नाम
पूर्व भारतीय बल्लेबाज अपने यूट्यूब चैनल पर बात करत भये तिलक का कोहली कै उत्तराधिकारी बतावा। उ कहिन, तिलक कै खेल देखत बहुत नीक लागत अहै। उ नंबर तीन पर पहिले बल्लेबाजी करत भये सेंचुरी बनाइन। एकर बाद पांचवें अउर छठे क्रम पर भी उ खूबसूरती से अपने का ढालि लीहिन। इ कमाल कै बैटिंग क्वालिटी अहै।
जाफर एक तरफ जहवां, तिलक का कोहली कै उत्तराधिकारी बतावा, तउ दूसरे तरफ यशस्वी जायसवाल का रोहित शर्मा कै बरे परफेक्ट रिप्लेसमेंट बतावा। उ कहिन, अब समइया आ गवा अहै कि रोहित अउर विराट चला जइहैं। रोहित एक टॉप आर्डर बैट्समैन अहैं, तउ यशस्वी जाहिर तौर पर उनकर जगह लेइहैं। हम्मका लागत अहै कि विराट कै जगह भी एक बाएं हाथ कै बल्लेबाज होई।
जाफर कीन्हे तिलक वर्मा कै जमकर तारीफ
पूर्व क्रिकेटर आगे कहिन, उनके पास सानदार गेम अहै। हम्मैन देखेड अहै कि उ दलीप ट्रॉफी मां कइसे रन बनाइन। लिस्ट ए क्रिकेट मां उनकर 55 कै औसत अहै। इहे कारन अहै कि उ तीनो फॉर्मेट मां आसानी से फिट होइ सकत अहैं। तिलक भले ही भारतीय टीम कै बरे टी20 क्रिकेट मां सानदार परदरसन किहे अहैं पै अभी उनहनका वनडे कै कम अनुभव अहै। वर्मा अब तक चार मैच खेलिन अहैं, जेहिमां मात्र 68 रन बनाइन अहैं।
