मतदाता सूची कै विशेष गहन पुनरीक्षण कै लेके कॉकरोच जनता पार्टी (CJP) कय द्वारा आहूत विरोध प्रदर्शन बेंगलुरु कै फ्रीडम पार्क मां सुरू होइ चुका बा। प्रदर्शन स्थल पर CJP कै नेता लोगन कै साथे अभिनेता अउर सामाजिक कार्यकर्ता प्रकाश राज अउर परसिद्ध यूट्यूबर ध्रुव राठी पहुँचिन।
कार्यक्रम कै सुरु आत मां SIR प्रक्रिया कै तहत कथित तौर पर मतदाता सूची से नाम हटाए जाने से प्रभावित लोगन कै वीडियो बयान (टेस्टिमोनियल) देखावा गवा। प्रदर्शन कै दौरान एक ‘पीपुल्स ट्रिब्यूनल’ (जन अदालत) आयोजित किया जा रहा बा, जिकै मां कर्नाटक भर से आए लोग मतदाता सूची से गलत तरीका से नाम काटे जाने कै लेके अपनी समस्या अउर आपत्ति दर्ज कराईहिन।
आयोजकों के मुताबिक, इ जन सुनवाई कै बाद प्रतीकात्मक ‘चप्पल प्रोटेस्ट’ भी कीन्हा जाई। अभिनेता प्रकाश राज इ आंदोलन मां सक्रिय रूप से भाग लेइ रहें अउर ध्रुव राठी कै कार्यक्रम मां विशेष अतिथि कै रूप मां सामिल कीन्हा गवा। प्रकाश राज कै फ्रीडम पार्क आवै कै ऐलान कै बाद ध्रुव राठी भी अपनी मौजूदगी कै पुष्टि कीन्हिन।
इहै नाई, CJP कै संस्थापक अभिजीत दिपके, जेएनयू छात्र नेता आइशी घोष, नेहा बोरा समेत कई युवा अउर नागरिक संगठन कै प्रतिनिधि भी प्रदर्शन मां सामिल अहैं। CJP अउर ओकर सहयोगी संगठन मांग कीन्हिन हवय कि SIR प्रक्रिया कै तहत मतदाता सूची से हटाए गए नाम कै फैसला तुरंत रद्द कीन्हा जाव अउर SIR से पहिले वाली मतदाता सूची बहाल राखी जाव।
साथे-साथ, चुनावी प्रक्रिया मां कथित गड़बड़ी कै आरोप लगावत प्रदर्शनकारी मुख्य चुनाव आयुक्त ज्ञानेश कुमार कै इस्तीफा कै भी मांग कीन्हिन।
दीपके कहिन कि भले ही नरेंद्र मोदी कै पास सत्ता होय, पै सड़कन पर हमार पकड़ बा। दीपके आगे कहिन कि वोटन कै चोरी काहें होत बा? 2024 मां BJP अउर विपक्ष कै बीच 2% कै अंतर रहा। अब वे पूरा देश मां 30 करोड़ वोट हटावत अहैं। नरेंद्र मोदी कै पास भले ही सत्ता होय, पै सड़कन पर हमार पकड़ बा। हम यहीं से अपनी सत्ता वापस हासिल करब।
सीजेपी कर्नाटक अपने इंस्टाग्राम पेज पर ‘महिला एकजुटता मार्च’ कै घोषणा कीन्हिन हवय, जिकै मां लोगन से अपनी चप्पल साथे लावैक कहा गवा बा। पोस्ट मां इ भी साफ़ कीन्हा गवा बा कि बाद मां इ चप्पल जरूरतमंद लोगन का दान कर दीन्हा जाई।
प्रकाश राज कहिन कि आदिवासी, गरीब, मुसलमान अउर अल्पसंख्यकन का वोट देवे से रोका गवा बा। एक्टर अउर एक्टिविस्ट प्रकाश राज आगे कहिन कि आदिवासी, गरीब, मुसलमान अउर अल्पसंख्यकन का वोट देवे से रोका गवा बा। काहेकि तूं उनकइ हत्या नाई करि सकत, यहै नाते तूं उनके वोट छीन लीन्ह हव…
हमार लड़ाई सिर्फ़ ज्ञानेश कुमार कै इस्तीफ़े कै बारे मां नाई अहै। अगर ऊ जात अहैं, तव कोउ अउर आ जाई। हम चाहत अहैं कि SIR का खतम कीन्हा जाव। फेर ज्ञानेश कुमार कै जांच होनी चाही अउर उनके ख़िलाफ़ केस दर्ज कीन्हा जाना चाही।
बेंगलुरु मां विरोध प्रदर्शन वाली जगह पर बोलत हुए ऊ कहिन कि ऊ देश कै वोटरन कै अपमान कीन्हिन हवय। इ नेता पांच साल मां सिर्फ़ एक बार हमार लगे गिड़गिड़ावत हुए आवत अहैं। अब हमार का अपने इ वोट खर्तिन उनके दफ़्तरन कै सामने भीख मांगै का परत बा।
