ताइवान मां तूफान चांपी कै आवै ताईं पहिले बहुत सतर्कता बरती जा रही अहै। 170 किलोमीटर प्रतिघंटा कै रफ्तार से हवा चलै कै संभावना के देखत हुअ स्कूल अउर दफ्तरन कय बंद करै कै आदेश दीन्ह गए अहै। सैंकड़ों उड़ान रद्द कर दीन्ह गई अहैं। तूफान ताइवान कै बहुत करिब पहुँच चुका अहै। इहई ताईं प्रशासन पहिले से आपन तैयारी करत अहै। आंधी अउर तेज बरखा के साथ खतरनाक मौसम के कारन प्रशासन एहतियात के तौर पर इ कदम उठात अहै।
कउन शहरन मां स्कूल-दफ्तर भए बंद
स्थानीय प्रशासन के अनुसार स्कूल अउर दफ्तर ग्रेटर ताइपे, कीलुंग अउर ताओयुआन समेत कई इलाकन मां शुक्रार कय बंद करै कै घोषणा कीन्ह गई अहै। ओहिजा, दक्खिन ताइवान मां युनलिन, चियायी, ताइनान, काओशुंग अउर पिंगतुंग मां भी बंद करै कै तैयारी अहै। पूरब ताइवान के साथ बाहरी दीप जेमां यिलान, हुआलिएन, पेंघु अउर लिएनचियांग शामिल अहैं, हिआं पर भी बंद कै घोषणा अहै। एहतियात के तौर पर हिआं कामकाज बंद कर दीन्ह गवा अहै।
जारी भवा चेतावनी
ताइवान कै केंद्रीय मौसम प्रशासन (CWA) बिफे के दिन तूफान चांपी के करिब पहुँचै पर एक चेतावनी जारी कीन्हिस। जमीनी चेतावनी 22 अक्टूबर के सबेरे जारी कीन्ह गई अहै। इमां लोगन से प्रशासन द्वारा बताए गए नियमन कय मानै ताईं कहा गए अहै।
कब पहुँची तूफान
मौसम विभाग से मिला जानकारी के अनुसार तूफान शुक्रार कै सबेरे से संझा के बीच ताइवान पहुँच सकत अहै। अनुमान अहै कि सनिवार कै संझा तक इ तूफान कै असर देखाई देई। एकर बाद एकर असर कमजोर होई तब जाइके लोग आपन पुरान कामकाज पर लौट सकत अहैं।
बाढ़ कस हाल
तूफान के असर के कारन कई इलाकन मां भारी बरखा सुरू होइ चुका अहै। ताइपे शहर मां कुछ जगहन पर 24 घंटा के भीतर 200 मिलीमीटर से ज्यादा बरखा भवा अहै जवई से बाढ़ कै खतरा मंडरात अहै। अधिकारियन सुरक्षा के दृस्टि से लोगन कय समुंदर तट अउर पहार वाले इलाकन से दूर रहै कै चेतावनी दीन्हिन अहै, जेहिस कवनो खतरा कय टाला जाइ सकै।
उड़ानन पर भी दिखात अहै तूफान कै असर
तूफान कै असर ताइवान पर साफ दिखात अहै। तूफान के आवै से पहिले 100 से ज्यादा उड़ान रद्द होइ चुका अहै। यात्री लोगन कय एयरलाइन के अपडेट पर नजर रखै ताईं कहा गए अहै। तूफान पड़ोसी देस जापान तक भी पहुँच चुका अहै। एकर असर के कारन चार एयरलाइनन कै 160 से ज्यादा उड़ान रद्द कर दीन्ह गई अहैं।
