अमेरिका के मध्यावधि चुनाव मां डेमोक्रेटिक पार्टी कय बहुत बड़ी सफलता मिला अहै। इहै कड़ी मां डेमोक्रेट मनईयन टेक्सस मां चार दशक से चले आ रहे रिपब्लिकन पार्टी के दबदबे कय खतम कै दिहिन अहै। डेमोक्रेटिक पार्टी के उम्मीदवार जेम्स टालारिको कय टेक्सास मां मिला जीत पार्टी खातिर बहुत ऐतिहासिक जीत माना जात अहै। जेम्स रिपब्लिकन नेता केन पैक्सटन कय हराय के राज्य के अमेरिकी सीनेट चुनाव मां रिपब्लिकन पार्टी के लगभग चार दशक के दबदबे कय माटी मां मिला दिहिन अहै।
आखिरी बार 1988 मां लॉयड बेंटसेन चुनाव जीत रहे। इहाँ पर जेम्स कय मिला जीत से राष्ट्रपति डोनल्ड ट्रंप कय बहुत बड़ा झटका लाग अहै। 37 बरिस के जेम्स कय इहाँ जीत बहुत मायने रखत अहै काहेकि 1988 के बाद टेक्सास सीनेट चुनाव जीते वाले ऊ पहिला डेमोक्रेट अहैं। 1988 मां लॉयड बेंटसेन आखिरी बार इ पद खातिर फिर से जीत हासिल कीन रहिन।
डेमोक्रेट्स खातिर इ बहुत शानदार कामयाबी अहै, खासकर अइसन राज्य मां जहवाँ दुइ साल पहिले ही ट्रंप दुहरे अंक के अंतर से जीत दर्ज कीन रहिन। टालारिको कय जीत, ट्रंप के उ फैसला कय भी खारिज करत अहै जेमा ऊ रिपब्लिकन प्राइमरी के दौरान मौजूदा सीनेटर जॉन कॉर्निन के बजाय पैक्सटन कय समर्थन कीन रहिन। ओहिने, पार्टी के नेता चेतावनी दीहिन रहा कि पूर्व अटॉर्नी जनरल पैक्सटन से जुड़े विवाद इ सीट पर पार्टी कय जीत कय संकट मां डाल सकत अहैं।
मिडिल स्कूल के पूर्व शिक्षक अउर प्रेस्बिटेरियन सेमिनरी के छात्र, जेम्स तालारिको अपने चुनाव अभियान कय आधार अइसन जनता से जुड़े संदेश कय बनाइन, जेमा ऊ बढ़ती जीवन-लागत, राजनीतिक भ्रष्टाचार अउर अमीर दानदाताओं के प्रभाव पर ध्यान केंद्रित कीन। ऊ राजनीतिक गुटबाजी या समाज कय बांटे वाले सांस्कृतिक मुद्दा पर जोर ना दीहिन। ऊ स्वतंत्र अउर रिपब्लिकन पार्टी से निराश होय चुका मतदाता कय अपने ओर खींचे खातिर पूरा कोशिश कीन।
उनका मुख्य तर्क इहा रहा कि देश मां सबसे बड़ा विभाजन राजनीतिक लेफ्ट (वामपंथ) अउर राइट (दक्षिणपंथ) के बीच ना अहै, बल्कि अमीर अउर आम अमेरिकियों के बीच अहै। ऊ बार-बार अरबपतियों पर राजनीति कय प्रभावित करे खातिर अपने पैसा कय इस्तेमाल करे कय आरोप लगाइन। इहै के साथे ऊ इ तर्क दीहिन कि शक्तिशाली हित मेहनतकश परिवारन कय बढ़ती कीमती के साथ जूझे खातिर मजबूर कै दिहिन अहै।
रिपब्लिकन पार्टी खातिर टेक्सस का हाथ से निकल जबब 2028 के राष्ट्रपति चुनाव से पहिले बहुत बड़ी गंभीर चेतावनी अहै।
