समाजवादी पार्टी (SP) कै मुखिया अखिलेश यादव सोमबार कै सत्ताधारी BJP पै कड़ा प्रहार करत उत्तर प्रदेश मां बड़े पैमाना पै चुनावी धांधली कै आरोप लगौन। स्पेशल इंटेंसिव रिविज़न (SIR) प्रोसेस मां भारी गड़बड़ी कै जिक्र करत हुअ, यादव दावा कीन कि वोटर लिस्ट कै विश्वसनीयता बहुत बुरी तरह प्रभावित भवा अहै।
यादव पत्रकारन सों कहिन कि उत्तर प्रदेश मां लाखों फर्जी वोट बाटे। एक ही आदमी कै नाम पै दस-दस वोट दर्ज अहै। हम कई विधानसभा क्षेत्रन मां अइसे फर्जी वोटन कै पहिचान कीन अहै… हम एकर लिस्ट जारी करब। एकर मतलब अहै कि SIR मां गड़बड़ी भवा अहै। SIR पै करड़ों रुपिया खर्च भवा औ समयौ बर्बाद भवा… हम BJP कै 403 सीटियन पै इ धोखाधड़ी से बचे ना देब।
उ लखनऊ मां समाजवादी नेता राम मनोहर लोहिया कै पुन्यतिथि पै उनका श्रद्धांजलि दीहिन। पार्टी नेतागन कै बीच, उत्तर प्रदेश कै पूर्व मुख्यमंत्री समाजवादी विचारधारे कै प्रति आपन पार्टी कै प्रतिबद्धता दोहराइन औ इ सिद्धान्तहन कै जमीनी हकीकत मां बदले पर नवा ध्यान केंद्रित करै कै घोषणा कीन।
उ कहिन कि 12 अक्टूबर कै हम सब Dr. राम मनोहर लोहिया कै उनके पार्क मां याद करत अहैं। हम इहाँ एकजुट बाटे। हर बार कै ताई, आज हमार आप सब से मिले कै मौका मिला अहै। हम Dr. राम मनोहर लोहिया कै समाजवाद कै जमीनी स्तर पर लागू करै कै संकल्प लेत अहैं।
Dr. राम मनोहर लोहिया समाजवादी समृद्धि कै सिद्धांत दीहिन,जहाँ समृद्धि औ समानता साथ-साथ चलत अहैं। लोहिया हमका ‘सप्त क्रांति’ कै बारे मां सिखाइन, जेकरे बारे मां नेताजी (मुलायम सिंह यादव) अक्सर कार्यकर्तागन कै बीच बात करत रड्हैं। अगर कवनो किसिम कै भेदभाव होई, तौ हम उनका खतम करै खातिर एकजुट होइ कै काम करब।
पार्टी कै एतिहासिक नींव कै याद करत हुअ, SP प्रमुख समाजवादी औ सुधारवादी नेतागन कै सामूहिक विरासत कै जिक्र कीन। यादव भरोसा दिहिन कि Dr. राम मनोहर लोहिया जातिवाद औ जाति-व्यवस्था कै खिलाफ रड्हैं। उ देखाइन कि धर्मनिरपेक्षता कइसे आवत अहै, समाजवादी समाज कइसे बनत अहै औ हर किसिम कै भेदभाव कै कइसे खतम कीन जाइ सकत अहै।
Dr. राम मनोहर लोहिया समाजवादिगन कै एक बड़ी फौज तैयार कीन रड्हैं। हमका उम्मीद अहै कि ओही रास्ते पै चलिके हम इहाँ तक पहुँचे अहैं। बाबा साहेब भीमराव अंबेडकर कै संविधान, Dr. राम मनोहर लोहिया कै समाजवाद, नेताजी कै संघर्ष, औ ‘सप्त क्रांति’ व ‘संपूर्ण क्रांति’ कै वो नेता जउन समाज कै बनावे औ ओका दिशा देवे कै काम कीन – हम उनका याद करत अहैं।
भविष्य मां, हम समाजवादी औ धर्मनिरपेक्ष समाज बनावे खातिर Dr. राम मनोहर लोहिया कै सिद्धान्तहन कै जमीनी स्तर पर लागू करब।
राम मनोहर लोहिया आजादी कै लड़ाई मां सामिल एक कार्यकर्ता औ समाजवादी राजनेता रड्हैं। उ प्रजा सोशलिस्ट पार्टी औ संयुक्त सोशलिस्ट पार्टी कै सदस्य रड्हैं। 1962 मां, लोहिया फूलपुर से पूर्व प्रधानमंत्री जवाहरलाल नेहरू कै खिलाफ चुनाव लड़िन, बाकिर हार गवा। 1963 मां, उ उपचुनाव जीतिन औ फर्रुखाबाद से सांसद बनि गए। बाद मां 1967 मां, उ कन्नौज निर्वाचन क्षेत्र से चुनाव जीतिन।
