बिहार कै भोजपुर मां सोमचर अउर मंगरचर कै दरमियानी रात दुर्गा पूजा कै दुई पंडालन मां आगि लागै कै बाद इलाका मां तनाव पैदा होइ गवा। पुलिस मंगरचर को यह जानकारी दीहिन। भोजपुर कै पुलिस अधीक्षक (एसपी) अवधेश कुमार दीक्षित ‘पीटीआई-भाषा’ को बताइन कि घटना नगर थाना क्षेत्र कै भुलहीपुर मोहल्ला मां भवा।
उन्हुनि कहिन, “दुर्गा पूजा कै दुई पंडालन मां आगि लागै कै सूचना मिलत ही पुलिस मौका पर पहुंच गवा। स्थानीय लोगन आरोप लगइन कि इ घटना कै पाछे कुछ असामाजिक तत्वन कै हाथ अहै।”
दीक्षित बताइन कि वरिष्ठ पुलिस अधिकारी मौका पर मौजूद अहैं अउर मामला कै सब्भे पहलूयन से जांच की जाइ रही अहै। उन्हुनि कहिन कि सुरुवाती जांच मां घटना कै कोउ सांप्रदायिक पहलू सामने नाई आवा।
स्थानीय लोगन दावा करिन कि घटना कै बाद इलाका मां तनाव फैल गवा। एसपी कहिन, “हम सीसीटीवी फुटेज कै जांच करत अहैं अउर पूजा आयोजकन से भी स्पष्टीकरण मांगा जाइ रहा अहै। स्थिति पूरी तहर से नियंत्रण मां बा अउर इलाका मां पर्याप्त संख्या मां सुरक्षाकर्मियों कै तैनाती की गई अहै।”
