महाराष्ट्र कै छत्रपति संभाजीनगर जिला मां एक आदमी झगड़ा कै बाद अपनी मेहरारू कय कथित तौर पर पीट-पीटकर मार डारिस अहै औ पुलिस थाना पहुंचिकै अपना जुर्म कबूल कइ लिहिन। एक अधिकारी मंगलवार कय इ जानकारी दीहिन।
अधिकारी बताइन कि घटना सोमवार भोर मां कन्नड़ शहर मां भवा, जंय 50 वरिस कै आरोपी मुकेश कुंभकर्ण घर मां कहासुनी कै बाद अपनी 44 वरिस कै मेहरारू रोहिणी पर हमला कइ दिहिन।
उन्हों बताइन कि दंपति अपने बच्चन की पढ़ाई खर्तिन छत्रपति संभाजीनगर मां रहत रहा औ हाल मां त्यौहार के समइया मां कन्नड़ आवा रहा।
अधिकारी के मुताबिक, कुंभकर्ण सबेरे लगभग पांच बजे अपनी मेहरारू पर हमला कीन। फेर एक घंटा बाद उ कन्नड़ शहर पुलिस थाना पहुंच गवा औ मेहरारू कय हत्या करै की बात कबूल कइ लिहिन।
उन्हों बताइन कि आरोपी कय अपनी मेहरारू के चरित्र पर शक रहा औ इहे बात कय लेके दुनू जाने के बीच झगड़ा भवा रहा।
अधिकारी बताइन कि आरोपी के खिलाफ भारतीय न्याय संहिता की धारा 103(1) (हत्या) के तहत मुकदमा दर्ज कइ लीघा अहै औ जांच जारी अहै।
