8 अक्टूबर कै पटना मां ‘इंडिया’ गठबंधन मुख्य चुनाव आयुक्त ज्ञानेश कुमार के खिलाफ विरोध प्रदर्शन करिस, जवमां राष्ट्रीय जनता दल कै नेता तेजस्वी यादवउ शामिल रहें। प्रदर्शन कै संबोधित करत भवा तेजस्वी यादव आरोप लगिन कि पुलिस विपक्षी विधायकेकन आगे बढ़े से रोकत अहै। ऊ कहिन कि पुलिस हमार विधायकेकन रोक दीहिन अहै। ऊ हमरेकन आगे नाए बढ़े देत अहैं। ऊ प्रधानमंत्री नरेंद्र मोदी, ज्ञानेश कुमार अउर गृह मंत्री अमित शाह पै वोट चोरी कै साज़िश रचे कै आरोप लगिन।
तेजस्वी यादव कहिन कि हम आज राजभवन तलक मार्च करत अहैं। हम इ मार्च इहिन मारे करत अहैं काहेकि ज्ञानेश कुमार, पीएम मोदी अउर गृह मंत्री अमित शाह वोट चोरी कै साज़िश रचे अहैं अउर देश कै लोकतंत्र के खतम करै कै काम किन अहै। हम ओन साज़िशकारन कै सज़ा दिलावै कै मांग खर्तिन आज मार्च करत अहैं जे हमरे लोकतंत्र के खतम करै कै साज़िश रचे रहें। इ विरोध प्रदर्शन ‘स्पेशल इंटेंसिव रिविज़न’ (SIR) प्रक्रिया मां कथित गड़बड़ी अउर मुख्य चुनाव आयुक्त ज्ञानेश कुमार के हटवै कै मांग पै केंद्रित रहा। इ मार्च विपक्ष कै उ अभियान कै हिस्सा अहै जवमां वोटर लिस्ट मां खामी कै आरोप लाग अहै अउर चुनाव आयोग से अउर ज़्यादा पारदर्शिता कै मांग की जाइ जात अहै।
इ बीच, पिछ्ले दिन SIR मां कथित गड़बड़ी कै लेके ज्ञानेश कुमार के खिलाफ विरोध जतावै खर्तिन जंतर-मंतर कै ओर मार्च करै कै कोसिस करत INDIA गठबंधन कै सांसदकन दिल्ली पुलिस रोक दीहिन। हिरासत मां लीने गे लोगन मां कांग्रेस सांसद राहुल गांधीउ शामिल रहें, जवनके बाराखंबा रोड पुलिस स्टेशन लेइ आवा गवा। पुलिस द्वारा प्रदर्शनकारिके रोकै पै ओनकन बैरिकेड वाला गेट खोलै कै कोसिस करत देखा गवा अउर बाद मां हिरासत मां रहत बेरा ओनकन मीडिया कै ओर हाथ हिलावत अउर विक्ट्री साइन दिखावत देखा गवा।
कांग्रेस सांसद प्रियंका गांधी वाड्रा केउ हिरासत मां लेइके छत्रसाल स्टेडियम पुलिस स्टेशन लेइ आवा गवा। पुलिस कै कार्रवाई कै बेरा ओनकन जमीन पर लेटे देखा गवा अउर बाद मां ऊ आरोप लगिन कि विरोध करत सांसदकन के साथ जबरदस्ती कीन गवा। पुलिस कै गाड़ी से संविधान कै कापी दिखावत ऊ पत्रकारन से कहिन कि इ देश मां संविधान कै का अहमियत अहै? हम संविधान खर्तिन आपन जानउ देइ देब। हमरे खर्तिन कोनो कीम्मत ज़्यादा नाए अहै।
राहुल गांधी कहिन कि संविधान अउर लोकतंत्र के बचवै खर्तिन कांग्रेस अउर INDIA गठबंधन सड़कन पै विरोध-प्रदर्शन जारी रखब अउर गिरफ़्तारी अउर कानूनी चुनौती कै सामना करब।
