हरियाणा सरकार कै लाडो लक्ष्मी योजना मां बड़ा बदलाव भवा अहै। सरकार योजना कै दायरा आय सीमा एक लाख से बढ़ाकर 1.80 लाख रुपैया कर दीहिन अहै। इ संबंध मां सामाजिक न्याय, अधिकारिता, अनुसूचित जाति एवं पिछड़े वर्ग कल्याण व अंत्योदय (सेवा) विभाग अधिसूचना जारी कीन्हिस अहै।
योजना तत्काल प्रभाव से पूरा परदेस मां लागू होई। इकै तहत पात्र महतारी लोगन का हर महीना 2100 रुपैया कै सहायता मिली। दूसर महीना से पूरा रकुअम्मा सीधा बैंक खाता मां नाइ अइहि। 1100 रुपैया खाता मां भेजा जाइ जबकि 1000 रुपैया सरकार कै ओर से चलावा गवा आवर्ती जमा (आरडी) अउर सावधि जमा (एफडी) खाता मां जमा होई।
पहिला महीना पूरा रकुअम्मा बैंक खाता मां दीन्ह जाइ। आरडी मां जमा रूपिया पांच साल पाछे ब्याज सहित मिली। योजना मां अइसे महतारी लोगन खातिर भी पात्रता कै प्रावधान अहै जिनका सालाना पारिवारिक आय 1.80 लाख रुपैया तक अहै अउर जिकार बच्चा सरकारी स्कूलन मां दसवीं या बारहवीं बोर्ड परीक्षा मां 80 परितसत से ज्यादा नंबर लाये हवैं या कक्षा एक से चार तक पढ़ाई मां खास काबिलियत हासिल कीन्ह हवैं।
अइसे बच्चा लोगन का गंभीर या मध्यम कुपोषण से बाहर निकारनिहार महतारी लोगन भी इ श्रेणी मां सामिम अहैं। इ श्रेणी मां तीन से ज्यादा बच्चा वाली महतारी पात्र नाइ होइहीं।
