प्रधानमन्त्री नरेन्द्र मोदी हिनै ‘डिजिटल इंडिया’ पहल कै टेक्नालोजी के लोकतंत्रीकरण के दिसा मां एगो बहुत जरूरी कोसिस बताइन। ऊ सरकार के इ लच्छे पै जोर दीहिन कि डिजिटल अंतर कै खतम कीन जाव अउर इ बात के सुरच्छित कीन जाव कि आधुनिक टेक्नालोजी खाली साधन-संपन्न मनइयन तक ही ना सीमित रहे। 8 अक्टूबर कै नई दिल्ली के यशोभूमि मां ‘इंडिया मोबाइल कांग्रेस’ (IMC) कै 10वां संस्करण के संबोधित करत, पीएम मोदी कहिन कि इ बदलाव मां मोबाइल फोन कै बहुतु जरूरी भूमिका रहा अहै। ऊ कहिन कि डिजिटल इंडिया पहल के जरिए हमन इ स्थितिए के बदले के संकल्प लीहिन, जवने मां मोबाइल फोन इ बदलाव के केंद्र मां रहा अहै। इ टेक्नालोजी के लोकतंत्रीकरण के दिसा मां एगो बड़ कोटिस रहा अहै।
ऊ मानिन कि भारत के डिजिटल अंतर (डिजिटल डिवाइड) कै चुनौती के सामना करे पड़ा अहै, जहाँ आधुनिक तकनीक तक पहुँच मुख्य रूप से उहै मनइयन कै खातिर संभव रहा जो इकर खर्चा उठाइ सकत रहिन। ऊ कहिन कि पिछ्ला 10-12 बरिसन मां, मोबाइल फोन ना खाली आधुनिक संचार के साधन के रूप मां,बल्कि सुसासन कै एगो बहुत जरूरी उपकरण के रूप मां भी उभर के सामने आवा अहै। इ हमार ‘डिजिटल इंडिया’ विजन के केंद्र मां रहा अहै।
प्रधानमन्त्री मोदी बताइन कि सरकार टेलीकॉम सेक्टर मां सुधार कीन अउर तकनीक तक पहुँच कै सबकर खातिर सुलभ बनावे के खातिर बुनियादी ढांचा कै विस्तार कीन। ऊ कहिन कि हमन इ बात पै भी ध्यान केंद्रित कीन कि मोबाइल फोन अउर दुसर टेलीकॉम हार्डवेयर कै निर्माण भारतै मां होव।
देस भर मां 5G कनेक्टिविटी के बिस्तार पै प्रकाश डालत, प्रधानमन्त्री कहिन कि इ तकनीक हर जिला तक पहुँच गवा अहै अउर पूरा भारत मां 5,50,000 से ज्यादा 5G बेस स्टेशन काम करत अहै। ऊ आगे बताइन कि 2022 के तुलना मां मोबाइल इंटरनेट कै गति दस गुना बढ़ गवा अहै।
प्रधानमन्त्री मोदी इंडिया मोबाइल कांग्रेस के पिछ्ला कार्यक्रमन मां आपन भागीदारी के याद करत कहिन कि इ मंच भारत के टेलीकॉम सेक्टर अउर डिजिटल कनेक्टिविटी के विकास के दरज कीन अहै। ऊ बताइन कि 2022 मां IMC मां ही भारत मां 5G लांच कीन गवा रहा अउर 2023 मां ऊ देस मां 5G के रोलआउट से लइके 5G के पहुँच बढ़ावे तक के सफर पै बात कीन रहिन।
प्रधानमन्त्री सरकार के प्रमुख के तौर पै आपन कार्यकाल के 25 बरिस पूरा भवा पै मिलै बाैला सुभकामनायन के खातिर नागरिकन अउर अंतरराष्ट्रीय समर्थकन कै आभार भी व्यक्त कीन।
