भारत मां अमेरिकी राजदूत सर्जियो गोर गुरुबार कै दिन केंद्रीय गृह मंत्री अमित शाह के साथै बइठक करिन। इ बइठक मां दुनौ नेता आतंकवाद से निपटे अउर दुनौ देस मां अपराधी मनईयन का सजा दिलावे खत्तीर सहयोग बढ़ावे पर चर्चा करिन।
एक्स (X) पर एक पोस्ट मां गोर बताइन कि बातचीत मुख्य रूप से मनईयन का नशीले पदार्थ अउर अवैध ड्रग्स से बचावे अउर सीमा का सुरक्षित करे पर केंद्रित रही। माननीय गृह मंत्री अमित शाह के साथै बहुत नीक बइठक भई। हम आतंकवाद से निपटे, अपने लोगन का नशीले पदार्थ अउर अवैध ड्रग्स से बचावे, सीमा सुरक्षित करे अउर दुनौ देस मां अपराधी मनईयन का सजा दिलावे खत्तीर सहयोग बढ़ावे पर सार्थक चर्चा करिन।
फ्रांस के एवियन मां G7 समिट से भारत लौटे के कुछु समय बाद गोर अमित शाह से मुलाकात करिन। एक्स पर एक पोस्ट मां उ प्रधानमंत्री नरेंद्र मोदी अउर अमेरिकी राष्ट्रपति डोनाल्ड ट्रंप के साथै एक फोटो शेयर करिन। उ इ मुलाकात का फायदेमंद बताइन अउर कहिन कि अमेरिका अउर भारत के बीच कई सकारात्मक नतीजा निकरा अहै।
प्रधानमंत्री नरेंद्र मोदी अउर अमेरिकी राष्ट्रपति डोनाल्ड ट्रंप के बीच भई द्विपक्षीय बइठक मां भारत अउर अमेरिका कई अहम मुद्दा पर चर्चा करिन।
गोर एक्स पर एक पोस्ट मां बताइन कि G7 समिट के दौरान दुनौ नेता व्यापार, क्षेत्रीय सुरक्षा अउर आर्थिक साझेदारी का अउर मजबूत करे पर अहम बातचीत करिन।
