उत्तराखंड: मंत्री रेखा आर्या मामला मां एसआईटी बहस्पतिवार कै ऑडियो कै न्यायालय कै माध्यम से फॉरेंसिक लैब भेज सकत बा। इहिन कै बरे दस्तावेजी कार्रवाई पूर कर ली गई बा। फिलहाल पुलिस गिरधारी लाल साहू कै गिरफ्तारी कै बरे साक्ष्य इकट्ठा करय मां लागल बा।
बतावा जाइत बा कि साहू कै नेपाल भागे कै भी आशंका अहै। गौर करै वाली बात अहै कि पिछिला हफ्ता मंत्री रेखा आर्या अपने पति गिरधारी लाल साहू कै खिलाफ कैंट थाना मां प्राथमिकी दर्ज कराइ रहिन। आरोप बा कि साहू शादी कै बाद से ही उनकै प्रताड़ित करत चला आवत रहां। इहिन कै अलावा उनके साथ कई तरह कै धोखाधड़ी भी साहू किहिन अहै।
आरोप बा कि साहू कंपनी कै दस्तावेज पर उनकै जाली हस्ताक्षर करि कै उनकै नाम कंपनी कै निदेशक पद से हटा दिहिन। इहिन कै बाद जब उ विरोध किहिन तौ उनके जातिसूचक शब्द कहिकै प्रताड़ित कीहिन। मारपीट कै भी कोशिश की गई। इ मामला मां पुलिस एसपी देहात जया बलोनी कै नेतृत्व मां एक 10 सदस्यीय एसआईटी कै गठन कीहिन रहां।
एसआईटी तीन दिन पहिले मंत्री रेखा आर्या कै बयान दर्ज कीहिन। बतावा जाइत बा कि मंत्री एसआईटी कै ओ गिरधारी कै कुछ अउर राज भी बताइन। साथ ही इ भी बताइन कि जाली दस्तावेज कै एसआईटी कौन-कौन जगह से बरामद कर सकत बा। अइसे मां एसआईटी साक्ष्य जुटावय मां लागल बा।
हलांकि, अभी तक गिरधारी लाल साहू कै पता नाई चल सका अहै। इहिन बीच खबर इ भी आए बा कि साहू यूपी कै रस्ता से नेपाल भाग गवा अहै। अब देखै वाली बात इ होई कि एसआईटी गिरधारी कै कब तक गिरफ्तार कर पावत बा।
