मोटोरोला जल्दई नया वाइड-फोल्डेबल स्मार्टफोन लॉन्च करै जा रहा अहै, जेकै कंपनी Razr Flex कै नाम स पेश करइ सकत अहै। इ डिवाइस कै लइके पिछिला महिना कुछ डिटेल्सि सामनें आई रहीं। अब कथित गीकबेंच लिस्टिंग मां एकर नाम औ कुछ संभावित हार्डवेयर डिटेल्सि भी सामनें आई अहैं। हालाकि कंपनी अभी तक डिवाइस कै नाम, फीचर्स या लॉन्च डेट कै खुलासा नाहीं कीहिन अहै। चलिए डिवाइस स जुडी डिटेल्सि पर एक नजर डालत हैं…
Motorola Wide-Fold Razr Flex कै स्पेसिफिकेशन्स
स्पेसिफिकेशन्स कै बात कई जायं त रिपोर्ट्स कै मुताविक Motorola Razr Flex मां 6.92 इंच कै OLED प्राइमरी डिस्प्ले मिल सकत अहै, जेकर रेजोल्यूशन 2364 x 1728 पिक्सल बतावा जा रहा अहै। साथई फोन मां 165Hz तक कै रिफ्रेश रेट सपोर्ट मिल सकत अहै। फोन कै बाहरी तरफ 4.97 इंच कै दूसर OLED डिस्प्ले मिल सकत अहै।
मिल सकत अहै स्नैपड्रैगन प्रोसेसर
गीकबेंच लिस्टिंग कै मुताविक मोटोरोला कै इ डिवाइस मां क्वालकॉम कै स्नैपड्रैगन 8 Gen 5 प्रोसेसर मिल सकत अहै। इहें पाहिले कुछ रिपोर्ट्स मां अइसा भी कहा गवा अहै कि स्नैपड्रैगन 8 Elite Gen 5 चिपसेट मिलैक संभावना रही। हालाकि अभी प्रोसेसर कै लइके कुछो क्लियर नाहीं अहै। लिस्टिंग मां फोन कै 12GB रैम औ Android 17 कै साथे देखावा गवा अहै। गीकबेंच 6 टेस्ट मां डिवाइस कै सिंगल-कोर टेस्ट मां 2,669 औ मल्टी-कोर टेस्ट मां 8,837 प्वाइंट मिलें अहैं।
Motorola Wide-Fold Razr Flex कै कैमरा
फोटोग्राफी कै बात कई जायं त फोन मां 50MP कै प्राइमरी कैमरा मिल सकत अहै। डिवाइस मां 50MP कै अल्ट्रावाइड कैमरा मिल सकत अहै। सेल्फी औ वीडियो कॉलिंग बरे इमा दुइ 32MP कैमरा मिल सकत अहैं। इकै अलावा फोन मां 5,000mAh कै बैटरी, 25W वायरलेस चार्जिंग सपोर्ट मिल सकत अहै। एकर लॉन्चिंग दिसंबर मां होएक संभावना अहै।
