उत्तर प्रदेश के सुल्तानपुर जिला कै एक विशेष अदालत मां मंगलवार को लोकसभा मां विपक्ष के नेता अव रायबरेली से कांग्रेस सांसद राहुल गांधी के खिलाफ मानहानि मामला कै सुनवाई ना हो सकिस। अदालत मामला कै अगली सुनवाई खातिर एक अक्टूबर के तारीख तय करिन।
परिवादी अव भारतीय जनता पार्टी (भाजपा) के नेता विजय मिश्र के ओर से पेश अधिवक्ता संतोष कुमार पांडेय 21 सितंबर के बहस सुरू कीन्हिन रहा, मुनुक उनका दलील पूरा ना हो सकिस रहा। इकरे बाद विशेष न्यायाधीश शुभम वर्मा आगे कै सुनवाई खातिर 29 सितंबर के तारीख तय कीन्हिन रहा। हालांकि, 29 सितंबर के मामला कै सुनवाई ना हो सकिस।
पांडेय बताईनि कि वरिष्ठ अधिवक्ता कृष्ण चंद्र श्रीवास्तव के निधन के कारन वकील काम-काज से दूर रहे, जेहसे आज सुनवाई ना हो सकिस।
राहुल ऊपर 2018 मा बेंगलुरु मां चुनाव प्रचार के बेरा भाजपा के तत्कालीन राष्ट्रीय अध्यक्ष अव मौजूदा केंद्रीय गृहमंत्री अमित शाह के खिलाफ आपत्तिजनक टिप्पणी करे के आरोप अहै। भाजपा नेता मिश्र कांग्रेस नेता के खिलाफ चार अगस्त 2018 के मानहानि के मुकदमा दायर कीन्हिन रहा।
इ मामला मां अदालत राहुल के 27 नवंबर 2023 के तलब कीन्हिन रहा। कांग्रेस नेता अदालत मां हाजिर होइके जमानत कराई लीन्हिन। बाद मां मिश्र राहुल के आवाज के मिलान करावै खातिर अर्जी दिहिन रहा, जेके निचली अदालत खारिज कर दिहिन रहा। सत्र अदालत अव उच्च न्यायालयउ मिश्र के इ अनुरोध के ठुकरा दिहिन रहा।
