प्रथम विश्वयुद्ध से जियादा समय से चलत अहै रूस-यूक्रेन क जंग

करीब 52 महीना से जारी यूक्रेन युद्ध समय क मामले मां प्रथम विश्वयुद्ध से भी जियादा अवधि तक चले वाला युद्ध बनि गवा अहै। फरवरी 2022 से चलत यूक्रेन युद्ध 1,569 दिन से जारी अहै, जबकि प्रथम विश्वयुद्ध जुलाई 1914 से नवंबर 1918 के बीच 1,568 दिन तक चला रहा।

1914 मां जर्मनी अउर फ्रांस क लड़ाई से शुरू भवा युद्ध धीरे-धीरे कई महाद्वीपन का आपन चपेट मां लइ लिहिस अउर ओका प्रथम विश्वयुद्ध कहा गवा रहा। इ युद्ध मां चार साल के भीतर दो करोड़ से जियादा सैनिक अउर आम जनता मारी गइ रहीं। इ युद्ध मां रासायनिक हथियन क भी खुल्लम-खुल्ला इस्तेमाल भवा रहा। जबकि 1939 से 1945 के बीच छह साल तक चले द्वितीय विश्वयुद्ध मां सात करोड़ से जियादा लोग मारे गए रहे।

द्वितीय विश्वयुद्ध धरती क सबसे जियादा खून-खराबा वाला युद्ध रहा। दुनौ विश्वयुद्धन क तुलना मां यूक्रेन युद्ध मां खून-खराबा तौ कम भवा अहै, लेकिन एकर अवधि प्रथम विश्वयुद्ध से जियादा होइ गइ अहै। युद्ध करत रूस अउर यूक्रेन प आरोप अहै कि उ आपन मृत सैनिकन क संख्या छुपावत अहैं। लेकिन अनुमान अहै कि दुनौ देशन क अबहिन तक क लड़ाई मां दस लाख से कम लोग ही मारे गए अहैं।

रॉयटर्स क अनुसार, यूक्रेन युद्ध मां यूक्रेनी ड्रोन कमांडरन क कोशिश अहै कि उ रूस से क्रीमिया का होय वाली आपूर्ति व्यवस्था का रोक दें। इसे क्रीमिया मां मौजूद रूसी बल अलग-थलग पड़ जइहैं, तब यूक्रेनी सैनिक उन प जमीनी हमला कइके क्रीमिया का रूस से आजाद करा सकत अहैं। इही कारन यूक्रेन हाल क महीना मां क्रीमिया मां मौजूद रूसी संसाधनन प हमला लगातार बढ़ाए अहै। वइसे चार साल से जारी युद्ध मां रूस का भवा कुल नुकसान क तिहाई हिस्सा खाली बीते 12 महीना मां भवा यूक्रेनी ड्रोन हमला से भवा अहै।