*पत्तर सूचना साखा*
*(मुख्यमंत्री सूचना परिसर)*
*सूचना अउर जनसम्पर्क बिभाग, उ0प0*
*मुख्यमंत्री झाँसी मा बिकास कारजन अउर कानून-बेवस्था के समीक्षा किहिन*
*अधिकारिन काँ जनपरतिनिधिन के साथे लगातार बात-चीत करे के निरदेस, नया
कामन के सिलान्यास अउर लोकार्पण जनपरतिनिधिन से करावे के सुझाव*
*अवैध खनन, गौ तस्करी, भू-माफिया/सराब माफिया पै कड़ी कारवाही कीन जाय :
मुख्यमंत्री*
*स्वयं सहायता समूहवन के मेहरारू सदस्यन काँ आतमनिर्भर बनावै बदे
बढ़ावा दीन जाय*
*जनपद मा तइयार कीन जात मिलेट्स उत्पादन काँ बजार उपलब्ध करावै के
कारवाही आगे बढ़ाई जाय*
*बीडा के तहत जमीन अधिग्रहण के काम काँ पारदरसी बनावै पै जोर*
*हुवाँ के नौजवानन काँ स्वावलंबी बनावै बदे ओनका गाँवे मा ही ट्रेनिगं
दीन जाय*
*पुलिस द्वारा रोजाना पैदल गस्त करे के निरदेस*
*लखनऊ : 20 जून, 2026*
उत्तर परदेस के मुख्यमंत्री योगी आदित्यनाथ जी आजु झाँसी मा बिकास कारजन अउर कानून-बेवस्था के समीक्षा किहिन। उहौ अधिकारिन काँ जनपरतिनिधिन के साथे लगातार बात-चीत करे के निरदेस देत कहिन कि अइसन करे से बिकास का रफतार मिलति है। उहौ नया कामन के सिलान्यास अउर लोकार्पण जनपरतिनिधिन से करावे के सुझाव दिहिन।
मुख्यमंत्री जी जनपद झाँसी के जिलाधिकारी द्वारा ‘जन संवाद’ एक नई सुरुआत काँ परदेस भर मा लागू करे के निरदेस दिहिन। उहौ मुख्य सचिव के सामने वी0सी0 के जरिये जनसंवाद के जानकारी देय के सुझाव दिहिन, जेहसे अउर जिला मा भी यि सुरुआत सुरू कराई जाइ सकै। ओनका जिलाधिकारी द्वारा ‘न्यायालय आपके दुआर’ के तहत मुकद्दमन के सुनवाई भी जनसंवाद के जरिये करे के जानकारी दीन गइ।
समीक्षा बइठक मा मुख्यमंत्री जी कहिन कि जनपद मा अवैध खनन, गौ तस्करी, भू-माफिया/सराब माफिया पै कड़ी कारवाही कीन जाय। जहाँ से अवैध खनन होत है, ओका हुआँ रोका जाय। सी0सी0टी0वी0 कैमरन के जरिये अवैध खनन पै असरदार रोक लगाई जाय। उहौ ओवरलोडिंग के खिलाफ सख्त कारवाही करे के निरदेस दिहिन। उहौ कहिन कि उत्तर परदेस अकेला अइसन राज्ज हवे जहाँ खनन नीति बनाई गइ हवै।
मुख्यमंत्री जी कहिन कि कुपोसित लरिकन के महतारी-बाप काँ पसुपालन बिभाग के सहभागिता योजना के फायदा देवावा जाय। निराश्रित गो-आसरय स्थल से अइसन परिवार काँ एक गैया दीन जाय, जेकर लालन-पालन करत दूध के इस्तमाल लाभार्थी परिवार करै। अइसन इच्छा वाले पसुपालकन काँ सरकार 1,500 रुपिया हर महीना गैया के भरण-पोसण बदे देति है।
स्वास्थ्य बिभाग के कामन के समीक्षा के दौरान मुख्यमंत्री जी आयुष्मान भारत योजना मा लिस्ट मा शामिल अस्पतालन काँ कीन जाय वाले भुगतान के बारे मा जानकारी लिहिन। उहौ कहिन कि रास्ट्रीय गरामीण आजीविका मिसन के तहत स्वयं सहायता समूहवन के मेहरारू सदस्यन काँ आतमनिर्भर बनावै बदे बढ़ावा दीन जाय। जनपद मा तइयार कीन जात मिलेट्स उत्पादन काँ बजार उपलब्ध करावै के कारवाही आगे बढ़ाई जाय।
मुख्यमंत्री जी बुन्देलखण्ड औद्योगिक बिकास पराधिकरण (बीडा) के तहत जमीन अधिग्रहण के काम काँ पारदरसी बनावै पै जोर दिहिन। हुवाँ के नौजवानन काँ स्वावलंबी बनावै बदे ओनका गाँवे मा ही ट्रेनिगं दीन जाय ताकि छेत्र मा जउन उद्योग लगे, हुआँ ओनका नौकरी मिलि सकै। उहौ बीडा मा स्किलिंग बदे भी ट्रेनिगं करावै के सुझाव दिहिन ताकि छेत्र के नौजवानन काँ हियँई रोजगार मिलि सकै। बीडा मा डेटा सेंटर के स्थापना के इच्छा वाले उद्यमी के जरूरत के हिसाब से जमीन दीन जाय।
मुख्यमंत्री जी कहिन कि जनपद मा माफिया के खिलाफ जीरो टॉलरेंस नीति के साथे सख्त कारवाही पक्की कीन जाय। मेहरारुन अउर बिटियन काँ कउनो किसिम के दिक्कत न होय येकरे बदे गस्त का अउर नीक कीन जाय। उहौ पुलिस द्वारा रोजाना पैदल गस्त करे के निरदेस भी दिहिन।
समीक्षा बइठक मा जनपरतिनिधिन सुझाव दिहिन। जिलाधिकारी जनपद झाँसी के बिकास कारजन के बिस्तार से जानकारी दिहिन। वरिष्ठ पुलिस अधीक्षक कानून बेवस्था के बारे मा बताइन।
यि मौका पै सांसद श्री अनुराग शर्मा, विधायक सदर श्री रवि शर्मा, विधायक बबीना श्री राजीव सिंह पारीछा, विधायक डॉ रश्मि आर्य, विधायक गरौठा श्री जवाहर लाल राजपूत, बिधान परिसद सदस्य श्री बाबूलाल तिवारी, बिधान परिसद सदस्य श्री रामतीर्थ सिंघल, बिधान परिसद सदस्य श्रीमती रमा निरंजन, महापौर श्री बिहारी लाल आर्य, अध्यक्ष जिला पंचायत श्री पवन गौतम, अध्यक्ष उत्तर परदेस गौ-सेवा आयोग श्री श्याम बिहारी गुप्ता सहित सासन-परसासन के वरिष्ठ अधिकारी मौजूद रहे।
————-
*पत्तर सूचना साखा*
*(मुख्यमंत्री सूचना परिसर)*
*सूचना अउर जनसम्पर्क बिभाग, उ0प0*
*मुख्यमंत्री जनपद झाँसी मा लोक निर्माण बिभाग के कामन के समीक्षा किहिन*
*सड़कन के गुनवत्ता अउर उपयोगिता बनाय राखै बदे असरदार कारवाही कीन जाय :
मुख्यमंत्री*
*जनपरतिनिधिन द्वारा उठाये गये सबइ बातन पै समय से, मिलिजुलि के अउर
पारदरसी कारवाही कीन जाय*
*बिकास कारजन के किरियान्वयन मा कउनो परकार के देरी या ढिलाई बरदास
ना होइ तथा हर एक परजोजना काँ बढ़िया से अउर समय से पूरा कीन जाय*
*जनता के भलाई से जुड़ी परजोजनन काँ पहिले मंजूरी देय तथा
समय से पूरा करे के निरदेस*
* लखनऊ : 20 जून, 2026*
उत्तर परदेस के मुख्यमंत्री योगी आदित्यनाथ जी आजु जनपद झाँसी मा लोक निर्माण बिभाग के कामन के समीक्षा किहिन। उहौ बित्तीय साल 2026-27 के कार्ययोजना के समीक्षा करत झाँसी मंडल के जनपरतिनिधिन से बिकास से जुड़े परस्ताव पै लम्बी बात किहिन। बइठक मा झाँसी-ललितपुर अउर जालौन जनपदन के जनपरतिनिधिन आपन-आपन छेत्र के बिकास के जरूरत से जुड़े परस्ताव रखिन।
मुख्यमंत्री जी कहिन कि जनपरतिनिधिन काँ आपन छेत्र के भौगोलिक, सामाजिक अउर बिकास के जरूरत के गहिर जानकारी होति है। अइसन मा ओनके सुझाव अउर परस्ताव काँ पहिले बटोरि के सासन का जल्दी कार्ययोजना भेजी जाय, जेहसे जरूरी मंजूरी दइ के समय से काम सुरू करावा जाइ सकै।
मुख्यमंत्री जी कहिन कि लोक निर्माण बिभाग के सड़कन काँ नुकसान पहुँचावै वाले मनइन या संस्था से नियम के हिसाब से हरजाना के वसूली अउर कारवाही पक्की कीन जाय। सड़कन के गुनवत्ता अउर उपयोगिता बनाय राखै बदे असरदार कारवाही कीन जाय। उहौ जनता के भलाई से जुड़ी परजोजनन काँ पहिले
पै मंजूरी देय के अउर समय से पूरा करै के निरदेस दिहिन।
मुख्यमंत्री जी अधिकारिन का निरदेस दिहिन कि मुख्यमंत्री ग्राम सड़क
योजना, राज्य राजमार्गों, बड़े अउर छोटे पुल, आर0ओ0बी0/आर0यू0बी0, धारमिक
जगहन का जोड़ै वाले सम्पर्क मारग, फ्लाई ओवर तथा सड़क सुरच्छा से
सम्बन्धित परसतावन पै जनप्रतिनिधिन द्वारा तय करे गय वरीयता क्रम के
हिसाब से तुरन्त कारवाही पक्की की जाय।
मुख्यमंत्री जी कहिन कि जनप्रतिनिधिन द्वारा उठाय गय सब बातन पै
समय से, मिलिके अउर पारदरसी कारवाही की जाय। विकास परियोजना के
भूमि-पूजन अउर सिलाऩ्यास कार्यक्रमन मा सम्बंधित जनप्रतिनिधिन के
भागीदारी पक्की की जाय। मुख्यमंत्री जी कहिन कि विकास के कामन के करे
मा कउनो किसिम के देरी या ढिलाई बरदास नाहीं की जाई
तथा हर परियोजना का बढ़िया अउर समय से पूरा कीन जाय।
मुख्यमंत्री जी परसतावन पै बात करत कहिन कि विकास के पहिली सरत है
लैण्ड, बुन्देलखण्ड मा लैण्ड बैंक बहुतै है। उई सुझाव दिहिन कि
एनर्जी के परसताव दँय, जहाँ सुरच्छा के माहौल बढ़िया होइ, हुआँ निवेस आई अउर
रोजगारौ मिली। उत्तर प्रदेस विकास के मामला मा बड़ी छलांग लगाइस है।
बइठक मा मुख्यमंत्री जी का परमुख सचिव लोक निरमान बिभाग बताइन कि
7,000 करोड़ रुपिया के लागत वाली परियोजना के परसताव पेस कीन गय हैं।
यमा झाँसी जिला के 3774.34 करोड़ रुपिया के 450 परसताव सामिल हैं।
मुख्यमंत्री जी पिछला बिट्टी बर्स मा मंजूर परियोजना केउ समीक्षा किहिन।
मुख्यमंत्री जी का बतावा गवा कि पिछला बर्स झाँसी मंडल मा 2,400 करोड़
रुपिया के लागत के 1,500 परियोजना का मंजूरी दी गय रही, जेहमा से
940 परियोजना पूरी होइ चुकी हैं तथा बाकी परियोजना पै काम चलत
है। मुख्यमंत्री जी निरदेस दिहिन कि जवन परियोजना मा टेंडर के काम
पूरा होय के बादौ काम नाहीं सुरु कीन गवा है, उई मामला मा
सम्बंधित फरमन का चिन्हिके सख्त कारवाही की जाय।
यइ मौका पै श्रम अउर सेबायोजन राज्जमंत्री श्री मनोहर लाल मन्नू कोरी, महापौर
श्री बिहारी लाल आर्य, सांसद श्री अनुराग शर्मा, जिला पंचायत अद्धच्छ श्री पवन
गौतम, बिधायक श्री रवि शर्मा, श्री राजीव सिंह पारीछा, डॉ0 रश्मि आर्य, श्री
जवाहर लाल राजपूत, श्री रामरतन कुशवाहा, श्री मूलचन्द्र, श्री गौरीशंकर वर्मा,
बिधान परिसद सदस्य श्री बाबूलाल तिवारी, श्री रामतीर्थ सिंघल, श्रीमती रमा
निरंजन सहित अउरौ जनप्रतिनिधि लोग तथा सलाहकार मुख्यमंत्री श्री अवनीश कुमार
अवस्थी सहित सासन-परसासन के बड़े अधिकारी मौजूद रहे।
———
*पत्र सूचना साखा*
*(मुख्यमंत्री सूचना परिसर)*
*सूचना अउर जनसम्पर्क बिभाग, उ0प्र0*
*परधानमंत्री पच्छिम बंगाल से पी0एम0 किसान सम्मान निधि के 23वीं किस्त जारी किहिन*
*मुख्यमंत्री वर्चुअल माध्यम से झाँसी मा यइ कार्यक्रम से जुड़े*
*परदेस के 2.17 करोड़ से जियादा किसानन के बैंक खाता मा 4352.40 करोड़ रु0 भेजा गवा*
*लखनऊ : 20 जून, 2026*
परधानमंत्री श्री नरेन्दर मोदी जी आज पच्छिम बंगाल से पी0एम0 किसान
सम्मान निधि के 23वीं किस्त के रूप मा 18,880 करोड़ रुपिया से जियादा धन
देस के 9.44 करोड़ से जियादा किसानन के बैंक खाता मा जारी किहिन। उत्तर परदेस के
मुख्यमंत्री योगी आदित्यनाथ जी झाँसी के आयुक्त सभागार से वर्चुअल माध्यम
से यइ कार्यक्रम से जुड़े। आज जारी भई किस्त से उत्तर परदेस के 2.17
करोड़ से जियादा किसानन का फायदा भवा, ओनके बैंक खाता मा 4352.40 करोड़ रुपिया के
धन भेजा गवा। मुख्यमंत्री जी ‘एक्स’ पै पोस्ट करिके परधानमंत्री जी का
धन्यबाद दिहिन।
———
