ईरान कै पूर्व सुप्रीम लीडर अयातुल्ला अली खामेनेई कै अंतिम संस्कार कार्यक्रम चलि रहा अहै। इ बीच अमेरिकी स्वतंत्रता कै 250वीं सालगिरह मौके पर माउंट रशमोर मां एक जनसभा कय संबोधित करत राष्ट्रपति डोनाल्ड ट्रंप ईरान पर तगड़ा तंज कसे अहैं।
ट्रंप ईरान मां चलत अयातुल्ला अली खामेनेई कै अंतिम संस्कार समारोह पर कटाक्ष करत कहेन कि अमेरिका ईरान का एक हफ्ता कै छुट्टी दीहिन अहै काहे से हम बहुत नीक अही। ट्रंप कहेन कि अमेरिका ईरान का बुरी तरह हराय रहा अउर उ देश समझौता करै खतिव बेताब रहा। हम उनके अंतिम संस्कार खातिर एक हफ्ता कै छुट्टी दिहे अही काहे से हम नीक अही।
ट्रंप कय इ बयान तेहरान कै ग्रैंड मोसाला मां खामेनेई कै अंतिम संस्कार कय रस्म शुरू होय कय बाद आवा अहै। सनीचर कय भिनसार, करिया कपड़ा पहिने दुखी लोग गाड़ियन से खाली तेहरान कै सड़कन से होत भये ग्रैंड मोसाला पहुँचिन। ईरान कै पूर्व सुप्रीम लीडर खामेनेई कै अंतिम संस्कार मां भारत समेत पूरी दुनिया कै लोग पहुँचिन अहैं। इ कार्यक्रम मां लाखों लोगन कय शामिल होय कय उम्मीद अहै।
जानै लायक बात अहै कि 28 फरवरी 2026 का अमेरिकी-इजारयली हमला मां ईरान कै सुप्रीम लीडर खामेनेई कय मौत होय गई रही। जवने कै चार महीना बाद अब उनके अंतिम संस्कार कै कार्यक्रम शुरू भवा अहै। उनके अंतिम संस्कार खातिर एक हफ्ता कै राष्ट्रीय शोक कय ऐलान कीन गय अहै। खामेनेई कै अंतिम संस्कार कार्यक्रम 9 जुलाई का दफन करै कय साथे खतम होई।
