लखनऊ: उत्तर परदेस सरकार 26 अक्टूबर कय परदेस कै सबे 75 जिलाहन मां महर्षि वाल्मीकि जयंती मनाइ। इ अवसर पर महर्षि वाल्मीकि मंदिरन अउर रामायण से जुड़े प्रमुख अस्थानन पर रामायण पाठ, दीपदान, भजन-कीर्तन अउर सांस्कृतिक जोग प्रबन्ध कीन्ह जाइ।
चित्रकूट स्थित महर्षि वाल्मीकि कै तपोस्थली लालापुर मां बड़ आयोजन होइ। मुख्यमंत्री योगी आदित्यनाथ कै निर्देश पर होनिहार इ कार्यक्रम जनपद, तहसील अउर विकासखंड स्तर पर आयोजित कीन्ह जाइ। एकर मुख्य उदस्य महर्षि वाल्मीकि कै कालजयी रचना रामायण मां निहित मानवीय मूल्यन, सामाजिक समरसता अउर सांस्कृतिक विरासत कय जन-जन तक पहुँचावब अहै।
कार्यक्रमन मां पूजन-हवन कै साथे लव-कुश प्रसंग भी प्रस्तुत कीन्ह जाइ। मुख्यमंत्री आयोजन अस्थानन पर साफ-सफाई, पिएक पानी, उजारा, धवनि अउर सुरक्षा कै नीक ब्यवस्था करै कय निर्देश दीहिन अहै।
चित्रकूट कै क्षेत्रीय पर्यटन अधिकारी डीके शर्मा के मुताबिक, लालापुर मां रामलीला मंचन, वाल्मीकि रामायण पाठ, भजन संध्या अउर स्थानीय कलाकारन कै प्रस्तुति होइ। नदी कै घाट पर वाल्मीकि आरती भी आयोजित कीन्ह जाइ। इकरे अलावा कानपुर कै बिठूर, राजापुर, श्रावस्ती, अयोध्या अउर प्रयागराज समेत परदेस कै अउर प्रमुख अस्थानन पर भी कार्यक्रम होइ।
सरकार स्थानीय कलाकारन कय भी इ आयोजनन मां मंच देइ। जिलाधिकारियन कै अध्यक्षता मां बनै वाली समितियां कलाकारन कय चयन करिहिन। संस्कृति विभाग, सूचना एवं जनसंपर्क विभाग अउर जिला पर्यटन एवं संस्कृति परिषद कार्यक्रमन कय तालमेल बनाइ रखें।
संस्कृति एवं पर्यटन मंत्री जयवीर सिंह बताएिन कि रामायण से जुड़े धार्मिक अउर सांस्कृतिक अस्थानन कै महातम सामने आणिकै बरे मंदिरन मां आठ, बारहो या चौबीस घंटा तक लगातार रामायण पाठ कै ब्यवस्था कीन्ह जाइ। ऊ बताएिन कि पिछिला बरिस परदेस कै 600 से ज्यादा मंदिरन मां वाल्मीकि जयंती कै कार्यक्रम आयोजित कीन्ह गए रहे।
