लखनउ, आठ अक्टूबर। उत्तर प्रदेश मां निवेश प्रस्तावन् कै धरातल पर उतारब कय दिशा मां ‘ग्राउंड ब्रेकिंग सेरेमनी’ (जीबीसी) कै पांचवां संस्करण कै तैयारियां तेज होइ गवा अहै। एक अधिकारिक बयान मां बिहिपैर (बृहस्पतिवार) कै इ जानकारी दीहिन।
बयान कै मुताविक, मुख्यमंत्री योगी आदित्यनाथ बिहिपैर कै उच्चस्तरीय बैठक मां समारोह कै तैयारियों कै साथे प्रस्तावित निवेश परियोजनाअन कै प्रगति कय समीक्षा करिन।
बयान कै मुताविक, वर्तमान स्थिति कै अनुसार GBC-5 कै माध्यम से परदेस कै सबहि 75 जिलाहन मां लगभग 7,000 परियोजनाअन के जरिया 7.55 लाख करोड़ से अधिक कय निवेश धरातल पर उतरे खातिर तैयार अहै।
मुख्यमंत्री अधिकारियन कै निर्देश दीहिन कि सबहि परियोजनाअन से जुड़ी स्वीकृतियन, भूमि, आधारभूत सुविधाअन अव दूसर प्रक्रियाअन कै समयबद्ध ढंग से पूरा करवइया जाय, जइसे कि निवेश प्रस्तावन् कै क्रियान्वयन मां कनिकौ बाधा न आवै।
‘इन्वेस्ट यूपी’ कै तरफ से बैठक मां बतावा गवा कि प्रस्तावित परियोजनाअन मां विभागन् कै माध्यम से लगभग साढ़े तीन हजार परियोजनाएं, जिलाहन कै स्तर पर निवेश ‘सारथी पोर्टल’ से जुड़ी साढ़े तीन हजार से अधिक परियोजनाएं तथा ‘इन्वेस्ट यूपी’ कै माध्यम से 100 से अधिक बड़ी परियोजनाएं शामिल अहैं।
