मध्य प्रदेश के धार जिला मा मौजूद विवादित भोजशाला परिसर क एएसआई (ASI) सर्वे करावै क इंदौर हाईकोर्ट क आदेश क खिलाफ मुस्लिम पक्ष क अर्जी प सुप्रीम कोर्ट मा सुनवाई भई। कोर्ट सर्वे प रोक लगावै से साफ मना कइ दिहिस अहै। ई खबर मुस्लिम समाज बदे एक बड़का झटका मानल जात अहै, खास कइके जुम्मे क नमाज़ से ठीक पहिले ई फैसला आवा अहै।
का अहै भोजशाला क इतिहास
भोजशाला क इतिहास राजा भोज से जुड़ा अहै। हिंदून क मानब अहै कि ई मां सरस्वती क मंदिर अहै, जबकि मुस्लिम पक्ष एका कमाल मौला क मस्जिद बतावत अहै। साल 1952 से एएसआई (ASI) ई परिसर क देख-रेख अउर सुरक्षा करत अहै। जवन व्यवस्था अबहीं चलत अहै, ओकरे हिसाब से मंगर क दिन हिंदू मनई पूजा करत अहइँ अउर सुक्क (शुक्रवार) क दिन मुस्लिम भाई नमाज़ अदा करत अहइँ। कोर्ट के आदेश क बाद अब वैज्ञानिक तरीका से ई पता लगावा जाई कि आखिर सचाई का अहै।
