धुरंधर बनिके खतरनाक मिसन का पूरा करिहैं ईथन हंट

सिनेमा मा आपन गजब के काम बरे लाइफटाइम अचीवमेंट ऑस्कर अवॉर्ड जीते वाले हॉलीवुड सुपरस्टार टॉम क्रूज का भला कउन नाहीं जानत। ‘मिसन इम्पॉसिबल’ के ईथन हंट अउर ‘टॉप गन’ के कैप्टन पीट मैवरिक मिशेल बनिके मनइन का दिल जीते वाले टॉम का नाव उनकी आवै वाली फिल्म का लेके खूब चर्चा मा बना अहै। बतावा जा रहल अहै कि टॉम क ओ फिल्म धुरंधर टाइप यानी स्पाई थ्रिलर होई, जेहिमा टॉम एक बार फिर पर्दा पै खुफिया जासूस के रूप मा नजर अइहैं। पूरा मामला का अहै, आओ ई लेख मा विस्तार से जानित हन।

टॉम क्रूज के स्पाई थ्रिलर फिल्म ‘द इनसाइडर’ क रिपोर्ट के हिसाब से टॉम क्रूज इ समय फिल्म निर्माता अनीश चगंती के साथे एक आवै वाले प्रोजेक्ट का लेके बात-चीत करत अहइँ, जेकर जॉनर स्पाई थ्रिलर बतावा जा रहल अहै। मानल जा रहल अहै कि ‘मिसन इम्पॉसिबल- द फाइनल रेकनिंग’ के बाद अभिनेता एक बार फिर से पर्दा पै खुफिया जासूस के कैरेक्टर निभावत नजर आइ सकत अहइँ। एकरे पहिले एमआई फ्रेंचाइज मा टॉम क स्पाई एजेंट ईथन हंट वाला रोल सबकर पसंदीदा बन रहा।

रिपोर्ट के आधार पै टॉम क्रूज के उ आवै वाली स्पाई थ्रिलर फिल्म क नाव ‘डॉपेलगैंगर’ बतावा जा रहल अहै। हालांकि अभी तक एकर कउनो पक्की यानी आधिकारिक पुष्टि नाहीं भई अहै, लेकिन खबर सामने आवतई टॉम क्रूज के ई मूवी का लेके चर्चा क बाजार गरम होइ गवा अहै। अउर अइसन मा अब हर कउनो ई बात क बाट जोहत अहै कि टॉम क्रूज के ई आवै वाली फिल्म क एलान कब होई अउर ई बार जासूस बनिके टॉम कउन सा खतरनाक मिसन का पूरा करिहैं।

टॉम क्रूज के ‘टॉप गन 3’ क भी इंतजार

खाली स्पाई थ्रिलर ‘डॉपेलगैंगर’ क ही नाहीं, बल्कि कुछ दिन पहिले ‘टॉप गन’ फ्रेंचाइज के बनावै वालन की तरफ से ई बात साफ कइ दीन गइ रही कि एकर तीसरी किस्त क तैयारी चल रही अहै अउर टॉम क्रूज एकरे बरे कमर कस चुके अहइँ। अइसन मा आवै वाले समय मा टॉम ई दुई बड़ी फिल्मन के जरिए बॉक्स ऑफिस पै धमाल मचावत नजर अइहैं।