का आपहू परिवार बढ़ावै (फैमिली प्लानिंग) कै सोचत अहैं? जउ अइसन बा, त ई खबरि आपके बरे बहुतै जरूरी हवै। हालही मा भइया एक बड़े अध्ययन से ई बात साम्हे आई बा कि आप कउन उमिर मा अपने पहिले बच्चा क जनम देत अहैं, एका सीधा असर आपके आघू कै सेहत, खुसी अउर हिंया तक कि आपके रुपिया-पइसा क हालत पर भी परत बा। ‘PLOS One’ मा छपी ई नई रिसर्च के मुताबिक, महतारी-बाप बनै कै उमिर आपके लम्बा समइ कै पढ़ाई-लिखाई अउर रुपिया-पइसा कै तरक्की कै एक बड़ा संकइत हवै। आउ जानित हवै कि काहे ई सोध मा महतारी-बाप बनै कै एकदम सही उमिर 26 से 31 बताई गई हवै।
का हवै बच्चा पैदा करै कै एकदम सही उमिर? जॉर्डन मैकडोनाल्ड अउर डेविड स्पीड नाउं के सोध करइ वालन ई बात क गहिराई से जानै बरे 6,282 महतारी-बाप के आंकड़न कै जांच-परख कीन्हिन। ओन्हैं ‘प्रतिबंधित क्यूबिक स्प्लाइन रिग्रेशन’ नाउं कै एक खास सांख्यिकीय तकनीक क इस्तेमाल कीन्हिन। ई पढ़ाई (स्टडी) कै खास मकसद ई जानब रहा कि कम उमिर मा महतारी-बाप बनै से जउन नुकसान होत हवैं, ओ सब कउन उमिर मा जाइके थिर होइ लागत हवैं।
आंकड़न कै जांच-परख करै के बाद सोध करइ वालन पाइन कि, पहिला बच्चा पैदा करै कै सबसे नीक उमिर 26 से 31 साल के बीच मा हवै। जउ एमाहू सबसे सटीक अउर सबसे बढ़िया उमिर कै बात कीन जाय, त उ 29 साल हवै। रिसर्च मा एक बड़वार बात ई भी साम्हे आई बा कि जउन लोग कम उमिर मा महतारी-बाप बनि जात हवैं, ओ लोग बाद के उमिर मा बच्चा पैदा करइ वालन के मुकाबला मा कम पइसा कमाइ पावत हवैं।
26 से 31 कै उमिरिया ही काहे सबसे खास हवै? अब सवाल ई उठत बा कि इहै खास उमिर क एतना नीक काहे मानि जा रहा बा? सोध करइ वालन एकरे पीछे बहुतै व्यावहारिक कारन बताए अहैं:
करियर मा थिरता: 26 से 31 साल कै उमिर तक पहुंचत-पहुंचत ज्यादातर लोग अपनी नौकरी या धंधा-पानी मा नीक तइन सेटल होइ जात हवैं।
कम दबाव अउर तनाव: रुपिया-पइसा अउर काम-धंधा मा थिरता होवै के कारन बच्चा पालै-पोसै कै बोझ या दबाव कम महसूस होत हवै।
जियादा समझदारी: ई उमिर तक लोग दिमागी तौर पर जियादा समझदार (मैच्योर) होइ जात हवैं। ओ अपनी जिम्मेदारिन अउर जिनगी के तनाव क जियादा नीक तरीका से सँभारि सकत हवैं।
मजबूत रित्ते: अइसन लोग अपने परिवारिक जिनगी अउर आपसी रित्तन मा भी जियादा थिर रहत हवैं, जउन कि एक बच्चा के नीक माहौल बरे बहुतै जरूरी हवै।
