भारत का हालहीं मा टी-20 वर्ल्ड कप-2026 क खिताब जितावै वाले सूर्यकुमार यादव क कप्तानी जाइ सकत अहै। ई बात क बहुतै संभावना अहै कि उनक टीम सेव छुट्टी होइ जाइ अउर ओकर असली वजह आय उनकर लगातार खराब फॉर्म। अइसन मा सेलेक्टर्स नए कप्तान के तौर पर श्रेयस अय्यर का चुन सकत अहैं। अंग्रेजी अखबार ‘टाइम्स ऑफ इंडिया’ क रिपोर्ट क मानि जाय तौ, आईपीएल-2026 के बाद जब सेलेक्शन कमेटी टी-20 टीम चुनै बदे बइठिहै, तब अय्यर का कप्तान बनावै क फैसला कीन जाइ सकत अहै।
आयरलैंड दौरा मा देखाई देइ सकत अहै असर
रिपोर्ट के मोताबिक, सेलेक्टर्स सूर्यकुमार क लगातार खराब फॉर्म से तंग आइ चुके हैं अउर ऊ अगिली टी-20 वर्ल्ड कप साइकिल मा कछू नयापन चाहत अहैं। भारत क टी-20 क नई साइकिल आयरलैंड दौरा से सुरु होइ अउर एका लइके अय्यर क न सिर्फ टीम मा वापसी होइ सकत अहै, बल्कि उनखा कप्तानौ बनावा जाइ सकत अहै। भारत इ समय 2028 वर्ल्ड कप अउर ओलंपिक-2028 तक अपन बजी टी-20 कैलेंडर देखत अहै।
रिपोर्ट क कहब अहै कि सूर्यकुमार क कप्तानी क दिन अब लद चुके हैं अउर अब ई देखै वाली बात होइ कि ऊ बल्लेबाज के तौर पर टीम क योजना मा रहिहैं कि नाहीं। सूर्यकुमार तौ अगिले दू साल तक कप्तान बने रहै क इच्छा जताए रहेन, मुला उनकर खराब फॉर्म एमा बाधा बनि सकत अहै।
एहिक ताईं अय्यर क नाँव आगे
अय्यर अभी भारत क टी-20 टीम क हिस्सा नाहीं अहैं। ऊ लम्बे समय से टीम से बाहर अहैं, मुला अगर उनकर टीम मा सोझै कप्तान के तौर पर एंट्री होत अहै, तौ ओकरे पीछे क वजह आईपीएल मा उनकर शानदार कप्तानी अउर बल्लेबाजी होइ। अय्यर क कप्तानी मा दिल्ली फ्रेंचाइजी साल 2020 मा अपन पहिला फाइनल खेले रही। ओकरे बाद ऊ कोलकाता नाइट राइडर्स मा गएन अउर फ्रेंचाइजी का 2024 मा खिताब जितवाएन। पिछले साल उनही क कप्तानी मा पंजाब किंग्स 10 साल बाद फाइनल खेले रही। इ सीजन मा भी ऊ पंजाब क कप्तानी नीक तरह से करत अहैं अउर खूब रन भी बनावत अहैं।
भारत का जितवाएन वर्ल्ड कप
सूर्यकुमार क कप्तानी मा भारत इहै साल टी-20 वर्ल्ड कप क खिताब अपने नाँव कीहिस अउर रिकॉर्ड बनाइस। भारत साल 2024 मा रोहित शर्मा क कप्तानी मा टी-20 वर्ल्ड कप जीते रहा अउर सूर्यकुमार क कप्तानी मा ओकर बचाव कीहिस। एहिके साथै भारत लगातार दू टी-20 वर्ल्ड कप जीतै वाली पहिली टीम बनि गय अहै। ई वर्ल्ड कप भारतै मा भा रहा अउर श्रीलंका ओकर संयुक्त मेजबान रहा। अइसन मा भारत मेजबान के तौर पर टी-20 वर्ल्ड कप जीत…
