लखनऊ: मुख्यमंत्री योगी आदित्यनाथ कहिन कि 2017 के पहिले प्रदेश मा हर पेपर लीक होइ जात रहा अउर जउन कछू कसर रहि जात रही ओका चाचा-भतीजा पूरा कइ देत रहे। अब लइकन का काबिलियत के आधार पर नौकरी दीन्ह जा रही अहै। मुख्यमंत्री योगी आदित्यनाथ कहिन कि 2017 से पहिले हर पेपर लीक होइ जात रहा मुला अब एकर पक्का इंतजाम कीन गवा अहै।
ओन वित्त मंत्री डै इशारा कइके कहिन कि शाहजहांपुर से कइयौ कैंडिडेट चुने गय अहैं। वित्त मंत्री हुंइ के हइँ मुला ओनहूं का नाहीं पता कि केकर चुनाव होय रहा अहै। पहिले जब पेपर लीक होत रहा तौ जउन बच जात रहा ओका चाचा-भतीजा मिलिके पूरा कइ देत रहे। मुख्यमंत्री योगी सोमार का लोकभवन मा उत्तर प्रदेश अधीनस्थ सेवा चयन आयोग द्वारा सहकारी समितियां अउर पंचायत लेखा परीक्षा विभाग अउर स्थानीय निधि लेखा परीक्षा विभाग खातिर नवा चुने गये लेखा परीक्षकों (ऑडिटर्स) का नियुक्ति पत्र बांटइ वाले कार्यक्रम का संबोधित करत रहे।
ओन कहिन कि पहिले भर्ती मा कइयौ जगह से भर्ती बोर्ड का लिस्ट भेजी जात रही। वहीं, भर्ती बोर्ड के अध्यक्ष लिस्ट के हिसाब से अपनी अलग लिस्ट बनाइ लेत रहे जेकर नतीजा इ रहत रहा कि कछू बचबे नाहीं करत रहा। अब इ व्यवस्था खतम होइ गइ अहै अउर होनहार लइकन का मान-सम्मान अउर नौकरी मिल रही अहै। अब हर जाति-धरम के लोग चुन के आय अहैं। हमरे गोरखपुर केव एक सरदार जी ऑडिटर बने अहैं।
मुख्यमंत्री कहिन कि लखनऊ की मुस्लिम बिटिया का चुनाव भवा अहै। इ बात के गवाही अहै कि कहुं कउनो भेदभाव नाहीं भवा अहै। एकरे खातिर बोर्ड का बधाई। जउन युवा काबिल होइ ओका नौकरी मिली अउर अयोग्य मनई की दाल नाहीं गली।
बिटियन का हक देइ का परी
नियुक्ति पत्र पावे वालन मा बहुत बड़ी संख्या बिटियन के अहै। योगी आदित्यनाथ कहिन कि इ साबित करत अहै कि बिटिया कहुं पीछे नाहीं अहैं अउर ओनका हर हाल मा हक देइ का पड़ी। कउनो केतना भी विरोध कइ ले मुला बिटियन का कउनों पीछे नाहीं धकेल सकत अहै।
