सोना, पेट्रोल अउर विदेश यात्रा.. इ कइसे पहुचावत हैं विदेशी मुद्रा भंडार का नुकसान

प्रधानमंत्री नरेंद्र मोदी (PM Narendra Modi) 10 मई का दिन अपने देशवासी भाई-बहिनन से तीन गो खास अपील कइने। इनमे एक साल तक सोना (Gold) न खरीदे, बिना काम के विदेश घूमे न जाए, और पेट्रोल-डीजल बचायें खातिर ‘वर्क फ्रॉम होम’ सुरू करे, अउर कार पुलिंग या पब्लिक ट्रांसपोर्ट के जादा से जादा इस्तेमाल करे के सलाह सामिल है। पीएम मोदी यह अपील, पच्छिम एशिया (West Asia) में चलत संकट, ओकरे चलते कच्चा तेल के बढ़त दाम अउर सप्लाई चेन में आवत दिक़्क़त के देखत कइने हैं। दरअलस, भारत अपनी जरूरत के 80 फीसदी कच्चा तेल (Crude Oil) बाहर से मंगावत है अउर जब भी तेल के दाम बढ़त है, त देश के बिल बढ़ि जात है, काहे से क्रूड के पेमेंट डॉलर में होवत है। चूंकि, दुनिया के तनाव (Geopolitical tension) के चलते डॉलर मजबूत होत है, ओकरे से देश के विदेशी मुद्रा भंडार (India’s Forex Reserve) पर बहुत तगड़ा असर पड़त है। जइसे कच्चा तेल है, वइसे ही सोना के बारे में भी है, काहे से भारत में हर साल बहुत जादा सोना बाहर से मंगावा जात है।

पीएम मोदी के अपील अउर ओकर मतलब

का आप जानत अहा कि एक विदेश यात्रा पर (चाहे यूरोप होय, अमेरिका होय या अउर कोनो एशियाई देश) औसत भारतीय कतना पइसा खर्च करत है? अगर भारतीय एक साल तक सोना न खरीदें या भारतीय बाजार में सोना के मांग कम होय त दाम पर का असर परी? इकरे अलावा, अगर पेट्रोल-डीजल बचायें खातिर लोग ‘वर्क फ्रॉम होम’, कार पुलिंग या पब्लिक ट्रांसपोर्ट के इस्तेमाल करें, त विदेशी मुद्रा भंडार कतनी राहत पाय सकत है? आवा, इ तीनों सवाल के जवाब आंकड़ा अउर जानकारों के मदद से समझे के कोसिस करित है।

सोना कइसे डालत है विदेशी मुद्रा भंडार पर असर?

पेट्रोल जइसन ही, सोना खातिर भी भारत बाकी देसन पर निर्भर है अउर हर साल बहुत भारी मात्रा में सोना मंगावत है। चीन के बाद भारत दुनिया के दूसरा सबसे बड़का सोना खरीदे वाला देश है। पिछला साल, भारत अकेले सोना पर लगभग 72 अरब डॉलर खर्च कइ दिहिस – यानी लगभग 6 अरब डॉलर हर महीना। दरअलस, मंगावा गवा सोना के मांग सीधे अर्थव्यवस्था से डॉलर के बाहेर जाए के बढ़ावत है। इही से, बड़िया पैमाना पर सोना के आयात भारत के चालू खाता घाटा (Current Account Deficit) पर दबाव डालत है अउर डॉलर के मांग बढ़ावत है। डॉलर के चलन में आवे से भारतीय रुपया कमजोर होत है, जवने से सोना अउर मंहगा होय जात है।

केडिया एडवाइजरी के एक रिपोर्ट में बतावा गवा है कि पीएम मोदी के बिना काम के सोना न खरीदे के हालिया अपील, बढ़त भू-राजनीतिक तनाव अउर आयात बिल में बढ़ोत्तरी के बीच भारत के बाहरी स्थिरता के लेके बढ़त चिंता से प्रेरित लागति है। पिछला कुछ साल में, भारतीय रुपया 2021 में लगभग 74-75 रुपया प्रति अमेरिकी डॉलर से गिरिके 2026 में 95 रुपया से नीचे आ गवा है, जवने का मतलब है कि ओकर कीमत में लगभग 27-28% के गिरावट आई है। कच्चा तेल के बढ़त दाम, मिडिल ईस्ट में तनाव अउर आयात से डॉलर के बाहेर जाए के बढ़ोत्तरी ने इ दबाव का अउर बढ़ा दिहा है।

कमोडिटी फर्म, केडिया एडवाइजरी के फाउंडर, अजय केडिया कहिन, “भारत कच्चा तेल, खाने वाला तेल, इलेक्ट्रॉनिक्स अउर खाद के आयात पर बहुत निर्भर है, जवन आर्थिक विकास अउर घर के खपत खातिर बहुत जरूरी है। हालांकि, सोना के आयात मुख्य रूप से निवेश, गहना अउर फैशन के मांग से जुड़ा है, इही से सोना के खरीदे के टाला जा सकत है अउर काहे से इ रोज के जरूरत के हिस्सा नाहीं है।” भारत हर साल बहुत जादा सोना मंगावत है, 2021 में आयात 1,067 टन से जादा रहा, जबकि सबसे कम आयात वाले साल में भी 430 टन से जादा रहा। लंबा समय के औसत लगभग 800 टन के आसपास बना है, जवने से विदेशी मुद्रा के बाहेर जाए अउर चालू खाता संतुलन पर बहुत दबाव पड़त है। इ चिंता तब अउर बढ़ि जात है जब भारत के विदेशी मुद्रा भंडार, 6 मार्च 2026 के आंकड़ा के हिसाब से लगभग 728.49 अरब डॉलर तक पहुंचे के बाद, अब 690.69 अरब डॉलर के करीब आ गवा है। कमजोर रुपया सीधे तौर पर बाहर से मंगावा सामान के घर के लागत बढ़ावत है, खासकर कच्चा तेल अउर सोना, जवने से बाहर के खतरा बढ़ि जात है।

अगर एक साल तक सोना न खरीदा गवा, त का होई?

FY26 में भारत के कुल आयात बिल: $775 बिलियन। इनमे 4 सामान के कुल लागत: $240+ बिलियन।

क्रूड ऑयल: $134.7 बिलियन।

सोना: $72 बिलियन।

खाने वाला तेल: $19.5 बिलियन।

फर्टिलाइजर्स: $14.5 बिलियन।

इ चार चीज भारत के कुल आयात के 31.1 प्रतिशत हिस्सा है, लेकिन इनमे अकेले सोना के आयात कुल इंपोर्ट के करीब 10 प्रतिशत है। इही कारण है कि प्रधानमंत्री मोदी नागरिकन से इ चीज के इस्तेमाल कम करे के गुजारिश कइने हैं। अगर भारतीय एक साल खातिर सोना खरीदे में कमी लावें त सोना के आयात में 30-40% के गिरावट से भी 20-25 अरब डॉलर के बचत होय सकत है। 50% के गिरावट होय त 36 अरब डॉलर बचि सकत है। खास बात इ है कि इ अंदाज चालू खाता संख्या के लगभग आधा है। एक साल तक सोना न खरीदे से भारत से डॉलर के बाहर जाए (outflow) सीधा अरबों डॉलर तक कम होय सकत है।

पेट्रोल पर कइसे बची सरकार के पइसा?

भारत, अभी अपनी जरूरत के 89% तेल बाहर से मंगावत है। सोना के दाम के साथ तेल के दाम में बढ़ोत्तरी (पिछला एक साल में लगभग 70 डॉलर प्रति बैरल से बढ़िके 113 डॉलर) सीधे डॉलर के बाहर जाए के बढ़ावत है। चूंकि, FY26 में भारत क्रूड ऑयल के आयात पर $134.7 बिलियन खर्च कइ दिहिस रहा अउर अगर कच्चा तेल के दाम लगातार बढ़त रहा त इ आंकड़ा तेजी से बढ़ी अउर भारत के विदेशी मुद्रा भंडार पर बुरा असर डारी।

इंडिपेंडेंट कमोडिटी एक्सपर्ट अनुज गुप्ता कहिन, “अगर देश में पेट्रोल-डीजल के मांग कम भइ त खपत कम होई अउर सरकार पर जादा क्रूड इंपोर्ट करे के दबाव नाहीं रही।” ऊ इहो कहिन कि सरकार लगातार पेट्रोलियम प्रोडक्ट पर निर्भरता कम करे खातिर इलेक्ट्रिक व्हीकल्स का बढ़ावा देत है, अउर आने वाले दिन में लोग तेजी से ई-व्हीकल की ओर शिफ्ट होय सकत हैं, जवन सरकारी खजाना अउर पर्यावरण, दुनों के हिसाब से अच्छा होई।

अब विदेशी मुद्रा भंडार के गणित समझें

ट्रेडिंग इकोनॉमिक्स के आंकड़ा के हिसाब से, भारत के विदेशी मुद्रा भंडार लगभग 690.69 अरब डॉलर है। आरबीआई के आंकड़ा बतावत है कि फरवरी में भंडार बढ़िके लगभग 728 अरब डॉलर होय गवा रहा, लेकिन दुनिया भर में अनिश्चितता के चलते अप्रैल में इ घटिके लगभग 691 अरब डॉलर रह गवा। दुसरी ओर, अंतर्राष्ट्रीय मुद्रा कोष (IMF) अनुमान लगावा है कि भारत के चालू खाता घाटा (CA) 2026 में बढ़िके 84.5 अरब डॉलर होय सकत है, जवन जीडीपी के लगभग 2 प्रतिशत है। चालू खाता में वृद्धि के सीधा मतलब है – आवे वाले डॉलर के मुकाबले जाने वाले डॉलर के संख्या जादा होई।

विदेश यात्रा पर होवे वाला औसत खर्च

टूर एंड ट्रैवल एजेंसी SOTC के रिपोर्ट के हिसाब से, भारतीय टूरिस्ट खातिर 2026 में एक हफ्ता के विदेश यात्रा के औसत खर्च आमतौर पर ₹50,000 से ₹1.5 लाख प्रति व्यक्ति के बीच रहत है। हालांकि, इ खर्च दक्षिण-पूर्व एशियाई देश खातिर ₹2 लाख से जादा होय सकत है, जबकि यूरोप या अमेरिका खातिर इ खर्च ₹2 लाख के पार जा सकत है। चूंकि, डॉलर के दाम बढ़त है अउर रुपया कमजोर होवत है, त विदेश यात्रा अउर विदेश में पढ़ाई करना, दुनों मंहगा होय जात है, इही से इ पैकेज अउर विदेश में बाकी खर्च बढ़ि सकत हैं।

वही, ‘True Yatri’ के रिपोर्ट के हिसाब से, भारत से बजट वाली यूरोप यात्रा (7 दिन के खर्च) ₹80,000 – ₹1,30,000 प्रति व्यक्ति आवत है। 10 दिन खातिर इ खर्च ₹1,50,000 – ₹2,50,000 प्रति व्यक्ति होई। जबकि, लग्जरी ट्रिप (10-15 दिन) खातिर इ बजट ₹3,00,000 – ₹6,00,000+ प्रति व्यक्ति तक जा सकत है।

फ्लाइट फेयर दिल्ली/मुंबई लंदन, पेरिस या फ्रैंकफर्ट: ₹25,000 – ₹65,000

दिल्ली/मुंबई एम्स्टर्डम या रोम: ₹40,000 – ₹70,000

चेन्नई/बेंगलुरु यूरोप: ₹45,000 – ₹75,000

फ्लाइट फेयर, वीजा फीस अउर होटल के किराया अउर बाकी खर्च मिलाय के ट्रैवल एजेंसी विदेश यात्रा के प्लान तैयार करत हैं, जवने के कीमत 50 हजार से 3 लाख रुपये प्रति व्यक्ति तक होय सकत है। इनमे यूरोप, अमेरिका अउर बाकी एशियाई देश के यात्रा सामिल है।