चारधाम यात्रा नया रिकॉर्ड बनावै की डगर पर आगे बढ़ रही है। यात्रा मा अबहिन तक 12.60 लाख सरधालु दर्सन कइ चुके हैं। बुद्घवार का चारों धाम मा एक दिन मा 80 हजार सरधालुवन दर्सन कीन। चारधाम यात्रा सुरू हुए 25 दिन होइ चुके हैं। केदारनाथ, बदरीनाथ, गंगोत्री अउर यमुनोत्री धाम मा दर्सन करइ वाले सरधालुवन क आंकड़ा 12.60 लाख पार कइ चुका है। केदारनाथ यात्रा का लइके सरधालुवन मा भारी उत्साह है। 22 दिनन मा ही 5.23 लाख से जादा तीरथजातरी दर्सन कइ चुके हैं। ऊंच हिमालयी छेत्र कै यात्रा होइ के नाते प्रदेश सरकार हियाँ मौसम क मिजाज पर भी पूरी नजर रखे है। मुख्यमंत्री धामी बड़के अधिकारिन का निर्देश दिहिन है कि जउ मौसम बिगड़ै तौ हर एक सरधालु कै सुरक्षा अउर सुबिधा क पूरा धियान रखा जाय।
मुख्यमंत्री धामी कहेन, चारधाम जातरियन कै सुरक्षा अउर सुबिधा हमार सबसे पहली प्राथमिकता है। भीड़ रोकै क सिस्टम का असरदार बनावा गवा है, सरधालु आसानी से दर्सन कइ सकैं, एकरे खतिन स्लॉट मैनेजमेंट अउर भीड़ कंट्रोल सिस्टम का बढ़िया बनावा गवा है। रियल टाइम डिजिटल मॉनिटरिंग सिस्टम कै इस्तेमाल कीन जा रहा है। प्रधानमंत्री नरेंद्र मोदी क ड्रीम प्रोजेक्ट के तहत केदारनाथ मा फिर से बनावै क काम होइ के बाद धाम एकदम दिव्य अउर भव्य रूप मा देखाई पड़ रहा है। पैदल चले वाला रस्ता बेहतर होइ जाय से सरधालुवन क राह आसान होइ गयी है। सुरक्षित अउर बढ़िया यात्रा खतिन सरकार हर मुमकिन कदम उठाए है। मौसम पर नजर रखै खतिन खास निगरानी सिस्टम बनावा गवा है। हर परिस्थिति से निपटै खतिन सरकार तैयार है।
