भारत क दिग्गज व्यापारी गौतम अदाणी अउर उनके भतीजा सागर अदाणी के ऊपर अमेरिकी सिक्योरिटी एक्सचेंज रिशवत दैके प्रोजेक्ट हथियावै क आरोप लगाये रहा। अब यहि मामला मा एक नया मोड़ आइ गवा अहै। खबरि के मुताबिक, गौतम अदाणी अउर उनके भतीजा सागर अदाणी US SEC के तरफ से लाय गये एक सिक्योरिटी धोखाधड़ी मामला का निपटावै खातिर कुल $18 मिलियन क सिविल जुर्माना भरै पर राजी होइ गयें हैं।
सीधे-सीधे बात कीन जाय तौ, अमेरिकी सिक्योरिटी एक्सचेंज के रिशवत वाले आरोप (US SEC Adani bribery case) से पीछा छुड़ावै खातिर गौतम अदाणी अउर उनके भतीजा अमेरिका का 18 मिलियन डॉलर (भारतीय रुपिया मा करीब 172 करोड़ रुपिया) दै खातिर राजी भवा हैं। मुला अबहीं अदालत क फैसला आवब बाकी अहै।
14 मई, 2026 का न्यूयॉर्क के पूर्वी जिला के US डिस्ट्रिक्ट कोर्ट मा जमा कीन गय सहमति वाली अर्जी के मुताबिक, गौतम अदाणी $6 मिलियन अउर सागर अदाणी $12 मिलियन क भुगतान करै पर राजी भवा हैं। हालांकि, इ समझौता कोर्ट क मंजूरी के अधीन अहै। मतलब इ कि इ समझौता का कोर्ट से मंजूरी मिलब बहुत जरूरी अहै।
अमेरिकी सिक्योरिटी एक्सचेंज का आरोप लगाये रहा?
अमेरिकी सिक्योरिटी एक्सचेंज नवंबर 2024 मा एक शिकायत मा आरोप लगाये रहा कि अदाणी ग्रुप के चेयरमैन अउर अदाणी ग्रीन एनर्जी के एग्जीक्यूटिव डायरेक्टर सागर अदाणी सौर ऊर्जा क कॉन्ट्रैक्ट पावै खातिर भारत सरकार के अफिसरन का कथित तौर पर करीब 265 मिलियन डॉलर (आज के हिसाब से भारतीय रुपिया मा करीब 2.5 हजार करोड़ रुपिया) क रिशवत दीन रहेन।
US SEC अपने आरोपन मा कहे रहा कि इ सौर ऊर्जा कॉन्ट्रैक्ट से आने वाले 20 सालन मा 2 बिलियन डॉलर (करीब 19 हजार करोड़ रुपिया) क कमाई होय क अंदाज़ा रहा। अमेरिकी अफिसरन आरोप लगावा कि इ पूरी योजना का निवेश करै वालन से छुपाय के रक्खा गय रहा, जबकि अदाणी ग्रीन एनर्जी सितंबर 2021 मा एक बॉन्ड ऑफरिंग लाय रही, जेहिसे $750 मिलियन जुटावा गय रहा। यहिमा से करीब $175 मिलियन अमेरिकी निवेश करै वालन के तरफ से आवा रहा।
अदाणी ग्रीन एनर्जी एक्सचेंज फाइलिंग मा जानकारी दीस कि 15 मई, 2026 का न्यूयॉर्क के एक अदालत के सोझवा आखिरी फैसला खातिर अपनी अर्जी लगाय दीस अहै। अब आखिरी फैसला क इंतज़ार अहै। कंपनी इ भी साफ कहिस कि ऊ इ सब कानूनी कार्रवाई क हिस्सा नाहीं अहै अउर ओकरे खिलाफ कोनो आरोप नाहीं लगावा गय अहै। SEC समझौता क खबरि आवत ही अडानी एंटरप्राइजेज के शेयर 1.8 प्रतिशत अउर अडानी ग्रीन के शेयर 0.6 प्रतिशत ऊपर चढ़ि गयें।
अदाणी न तौ आरोपन का स्वीकार कीन अउर न ही नकारिन
एक्सचेंज फाइलिंग मा कंपनी कहिस— US SEC, गौतम अदाणी अउर सागर अदाणी 15 मई, 2026 (भारतीय समय के मुताबिक) / 14 मई, 2026 (न्यूयॉर्क समय के मुताबिक) का US Eastern District NY Court के सोझवा, आपसी रजामंदी से, प्रस्तावित आखिरी फैसला के साथ-साथ आखिरी फैसला जारी करै क दरखास जमा कीन अहैं।
गौतम अदाणी अउर सागर अदाणी बाकी बातन के साथै-साथै, सिविल शिकायत मा लगाये गये आरोपन का स्वीकार या इनकार किये बिना ही आखिरी फैसला जारी करै पर राजी होइ गयें हैं। साथै-साथै, गौतम अदाणी अउर सागर अदाणी करम से 6 मिलियन USD अउर 12 मिलियन USD क सिविल जुर्माना भरै खातिर भी राजी भवा हैं। अब US Eastern District NY Court के आखिरी फैसला क इंतज़ार अहै।
