प्रेस बिज्ञप्ति
लखनऊ मेट्रो एक अउर नामी राष्ट्रीय पुरस्कार जीतिस
“बेस्ट मास रैपिड ट्रांजिट सिस्टम” खातिर मिला अर्बन मोबिलिटी इंडिया (यूएमआई) अवॉर्ड-2022
लखनऊ, दिनाँक: 06 नवंबर, 2022
उत्तर प्रदेश मेट्रो रेल कॉर्पोरेशन लि. (यूपीएमआरसी) खातिर आजु कै दिन बहुतै खास रहा, काहेकि यूपीएमआरसी एक दइयां फिन राष्ट्रीय स्तर पै आपन सिउकरता साबित करत भए एक अउर नामी पुरस्कार अपने नावें किहिस है। यूपीएमआरसी कै लखनऊ मेट्रो का आजु कोच्चि माँ आयोजित 15वें अर्बन मोबिलिटी इंडिया (यूएमआई) सम्मेलन अउर प्रदरसनी-2022 माँ ‘बेस्ट मास रैपिड ट्रांजिट सिस्टम’ श्रेणी के तहत नामी पुरस्कार से सम्मानित कीन गवा। लखनऊ मेट्रो का इ पुरस्कार कई मापदंड जइसे कि; बढ़िया सुरक्षा अउर संरक्षा प्रणाली, समइ कै पाबंदी, भरोसा, ग्राहक कै संतोख अउर आरामदायक जात्रा के अनुभव वगैरह के आधार पै दीन गवा है।
यूपीएमआरसी के प्रबंध निदेसक श्री सुशील कुमार के ओर से निदेसक (संचालन), श्री कुमार केशव, माननीय श्री हरदीप सिंह पुरी, आवासन अउर सहरी कारज मंत्री, भारत सरकार; श्री पिनाराई विजयन, माननीय मुख्यमंत्री, केरल अउर दूसर गनमान्य मेहमानन के गरिमामयी मौजूदगी माँ इ पुरस्कार प्राप्त किहिन। इ मौका पै यूपीएमआरसी के अउरउ बड़े अधिकारी मौजूद रहे।
यूपीएमआरसी के प्रबंध निदेसक श्री सुशील कुमार इ उपलब्धि पै खुसी देखावत भए कहिन, “यूपीएमआरसी खातिर इ बहुतै गरब अउर सम्मान कै घड़ी बाय। लखनऊ मेट्रो हमेसा से अपने जात्री लोगन का एक बिसवस्तर कै सुरक्षित, आरामदायक अउर भरोसेमंद परिवहन सेवा देइ खातिर बचनबद्ध रही है। इ पुरस्कार हमरे इहै बचनबद्धता कै परमान है। हम इ मौका पै आपन पूरी टीम का ओनके कठिन मिहनत अउर समरपन खातिर धन्यवाद देइ चाहित हई। लखनऊ कै जनता कै भी हिरदय से आभार, जवन लखनऊ मेट्रो का अपनाइन अउर ओका आपन पसंदीदा जात्रा कै माध्यम बनाइन।”
बतावै लायक बात इ बाय कि लखनऊ मेट्रो येकरे पहिले भी कई नामी पुरस्कार जीत चुकी है, जवने माँ इंटरनेशनल ‘रॉयल सोसाइटी फॉर द प्रिवेंशन ऑफ एक्सीडेंट्स’ (RoSPA) अवॉर्ड, सबसे बढ़िया सहरी जन पारगमन परियोजना खातिर सीबीआईपी अवॉर्ड-2021, सस्टेनेबिलिटी अउर ग्रीन इनिशिएटिव श्रेणी के तहत फिक्की स्मार्ट अर्बन इनोवेशन अवॉर्ड-2020, एशियन कन्फेडरेशन ऑफ बिजनेस द्वारा ‘मोस्ट इनोवेटिव मेट्रो रेल प्रोजेक्ट इन इंडिया’ अवॉर्ड अउर आईईटी इंडिया अवॉर्ड-2021 वगैरह सामिल हैं।
संपर्क करौ:
पंचानन मिश्रा
उप महाप्रबंधक/जनसंपर्क
उत्तर प्रदेश मेट्रो रेल कॉर्पोरेशन लि.
ईमेल: pr.upmrcl@gmail.com
वेबसाइट: www.lmrcl.com
