पत्र सूचना शाखा
(मुख्यमंत्री सूचना परिसर)
सूचना अउ जनसम्पर्क विभाग, उ0प्र0
मुख्यमंत्री जनपद उन्नाव मा विधानसभा सदर उन्नाव अउ भगवन्त नगर के 570
करोड़ रु0 से जिआदा लागत के 101 विकास परियोजना कै लोकार्पण अउ शिलान्यास
किहिन
प्रधानमंत्री जी के नेतिरित्त अउ मारगदरसन मा नवा भारत दुनिया मा गरब के
साथे मूँड़ उठाइके आपन हाजिरी लगाइ रहा, हम सब नवा भारत के नवा उ0प्र0 के
बदले माहोल मा रहि रहे हई : मुख्यमंत्री
जब दुनिया पच्छिम एशिया संकट अउ आरथिक मन्दी के दौर से गुजरि रही रहै, तब
प्रधानमंत्री जी के नेतिरित्त मा देस के जनता का यह संकट से उबारा गवा
इहाँ आस्था के सम्मान के साथे-साथे अरथबेवस्था का भी मजबूती के साथे आगे
बढ़ावा जात रहा, देस के सुरक्षा बेवस्था चाक-चौबन्द
मिसन सक्ति के भीतर नारी गरिम के सम्मान, सुरक्षा अउ उनके स्वावलम्बन के
कार्यक्रम लगातार आगे बढ़ि रहे
उन्नाव के विकास बरे जौन परस्ताव आए, उ सब परस्तावन का हम पहिल के आधार
पै मानि लिहिन
लखनऊ से उन्नाव होइके कानपुर तक रैपिड रेल का परस्ताव आगे बढ़ावा जात
रहा
लखनऊ, उन्नाव, हरदोई, सीतापुर, बाराबंकी, रायबरेली आदि जिला का जोड़े
बरे रिंग रोड का निरमान कीन जाई
उन्नाव जिला का हर तरफ से 4-लेन कनैक्टिविटी मिलि गवा, उन्नाव का मनई
गंगा एक्सप्रेस-वे से लखनऊ का बाइपास कइके सीधे दिल्ली अउ प्रयागराज पहुँचि
सकत है
कानपुर से लखनऊ बरे एक ग्रीनफील्ड एक्सप्रेस-वे बनि रहा, उन्नाव अउ
कानपुर के कनैक्टिविटी अउ जिआदा नीक बनावे बरे गंगा नदी पै अतरिक्त पुलन के
माँग के हिसाब से पुलन का निरमान कीन जाई
उन्नाव मा डिफेंस मैन्युफैक्चरिंग कॉरिडोर अउ गंगा एक्सप्रेस-वे पै
इण्डस्ट्रियल क्लस्टर बनावे बरे जमीन अधिग्रहण पूरा
उन्नाव का स्टेट कैपिटल रीजन का हिस्सा बनावा गवा, अब विकास लखनऊ तक ही
नाई रही, बल्कि उन्नाव होइके कानपुर तक जाई
परदेस के अलग-अलग जिला मा अलग-अलग क्लस्टर बनावे बरे बड़ी कारज योजना
बनि रही, वर्ल्ड क्लास इन्फ्रास्ट्रक्चर बनावे के तइयारी
लखनऊ : 18 जून, 2026
मुख्यमंत्री योगी आदित्यनाथ जी कहिन कि प्रधानमंत्री श्री नरेन्द्र मोदी जी
के नेतिरित्त अउ मारगदरसन मा नवा भारत दुनिया मा गरब के साथे मूँड़ उठाइके
आपन हाजिरी लगाइ रहा है। हम सब नवा भारत के नवा उत्तर परदेस के बदले माहोल
मा रहि रहे हई। भारत के सामने अब पहिचान का संकट नाई है। जब दुनिया पच्छिम
एशिया संकट अउ आरथिक मन्दी के दौर से गुजरि रही रहै, ऊर्जा के भारी संकट
सब देसन का परेसान किहे रहै, तब प्रधानमंत्री जी के नेतिरित्त मा देस के
जनता का यह संकट से उबारे का काम कीन गवा। भारत दुनिया का एके अइसन देस
है, जौन इन संकटन का डटिकै सामना किहिस। सरकार के जरिये यह दौरान कीन गवा
परबन्धन पूरी दुनिया बरे मिसाल बना है।
मुख्यमंत्री जी आजु जिला उन्नाव मा विधानसभा सदर उन्नाव अउ भगवन्त नगर के 570
करोड़ रुपिया से जिआदा लागत के 101 विकास परियोजना कै लोकार्पण अउ शिलान्यास
करे के बाद आयोजित कार्यक्रम मा आपन विचार बताइ रहे रहैं। यह मौका पै
मुख्यमंत्री जी अलग-अलग योजना के लाभ लेवइयन का चीन्हा के तौर पै चेक, परमान
पत्र, मंजूरी पत्र, घर के चाभी आदि दिहिन। एकरे पहिले, मुख्यमंत्री जी
आयोजित परदरसनी का देखिन, मेहरारुन के गोद भराई अउ बच्चन का अन्नपरासन
किहिन।
मुख्यमंत्री जी कहिन कि दूसर देसन मा महँगाई कई गुना बढ़ि गइ है, लकिन हम
प्रधानमंत्री जी के नेतिरित्त मा भारत मा सुरच्छित हई। इहाँ आस्था के
सम्मान के साथे-साथे अरथबेवस्था का भी मजबूती के साथे आगे बढ़ावा जात रहा
है। देस के सुरक्षा बेवस्था चाक-चौबन्द है। आतंकवादियन, नक्सलवादियन अउ
उग्रवादियन का भारत उनकै भाषा मा जवाब देइ रहा है। समाज के हर तबका बरे
कल्यानकारी योजना का निरमान कीन गवा है। प्रधानमंत्री जी कहिन हैं कि देस
मा खाली चारि जाति हैं, जउने मा गरीब, अन्नदाता किसान, मेहरारू अउ जुवा
सामिल हैं। जुवान का रोजगार अउ अन्नदाता किसानन के मुँह पै खुसहाली लावे
बरे कई कार्यक्रम चलि रहे हैं।
मुख्यमंत्री जी कहिन कि मिसन सक्ति के भीतर नारी गरिम के सम्मान, सुरक्षा अउ
उनके स्वावलम्बन के कार्यक्रम लगातार आगे बढ़ि रहे हैं। प्रधानमंत्री अउ
मुख्यमंत्री आवास योजना बरे गरीब का केहू के सामने हाथ नाई फइलावै का परत
है। अधिकारी घरै जाइके ओका बतावत हैं कि तोहरे बरे घर मंजूर कीन गवा है।
पहिले गरीबन का घर अउ सउचालय आदि घूस दिए के बादौ नाई मिलत रहै। आजु
गरीबन का बिना कउनो सिफारिस के घर, रसोई गैस कनेक्सन, रासन, बुढ़ौती पेंसन,
बेसहारा मेहरारू पेंसन, दिवियांगजन पेंसन अउ 05 लाख रुपिया का आयुष्मान
भारत के भीतर सेहत कवर मिलि रहा है।
मुख्यमंत्री जी कहिन कि जौन काम केन्द्र सरकार 12 बरिस मा अउ परदेस सरकार
09 बरिस मा कइके देखाइस है, पिछली सरकारन इच्छासक्ति के कमी मा उ काम करे
मा नाकाबिल रहीं। जदि कउनो गरीब अवाज उठावत रहै, तउ ओकर अवाज दबाइ दी जात
रहै। गुंडा अउ माफिया बेपारियन का उठाइ लइ जात रहे। जौन लोग पहिचान का
संकट दिहिन, परदेस का माफिया राज मा बदलि दिहिन, अन्नदाता किसानन का
आत्महत्या करे बरे मजबूर किहिन, जुवान के भरोसा के साथे खिलवाड़ किहिन अउ
परदेस का दंगा वाला बनाइन, उ लोग आजु उपदेस देत हैं। नवा भारत का नवा उत्तर
परदेस अब इन भरस्ट लोगन का माने बरे तनिकौ तइयार नाई है। पहिले किसानन के
ट्यूबेल चोरी होइ जात रहे। ओनका प्रधानमंत्री किसान सम्मान निधि जइसन योजना
का लाभ नाई मिलत रहै। नीक बीया अउ फर्टिलाइजर समइ पै नाई मिलि पावत रहै।
मुख्यमंत्री जी कहिन कि नारी सक्ति साच्छात जगत जननी माँ भगवती के चीन्हा
हैं। उ खर-दूसन अउ चंड-मुंड से बहुत नीक से निपटे जानत हैं। परदेस सरकार
नारी गरिम के रच्छा बरे लगातार कदम उठाइ रही है। नवा भारत अउ नवा उत्तर
परदेस आपन सम्मान अउ स्वाभिमान के साथे खिलवाड़ करइयन का छमा नाई करत है।
विकास अउ विरासत के साथे कउनो समझौता नाई करत है।
मुख्यमंत्री जी कहिन कि माँ गंगा अउ सई नदी के पबित्र धारा से सींचा गवा
जिला उन्नाव मा माता चन्द्रिका देवी मन्दिर, भगवान सहस्र लिंगेस्वर मन्दिर,
परिहर मा मौजूद लव-कुस के जनम भूमि, जानकी कुण्ड पबित्र अस्थान अउ बौद्धकाल
के सचानकोट आदि अधियात्मिक अउ साँस्कृतिक केन्द्र मौजूद हैं। संकट आवै पै
देस के इज्जत के रच्छा करे, देस का गुलामी के जंजीर से आजाद करे अउ ब्रिटिश
हुकुमत के जड़ि उखारे बरे राजा रामराव बख्श सिंह अउ अमर नायक वीर गुलाब सिंह
लोधी जइसे बीरन आपन सब कुछ बलिदान कइ दिहे रहे।
जिला उन्नाव साहित्यकारन के पावन धरती अहइ। पण्डित प्रताप नारायण मिश्र,
पण्डित सूर्यकान्त त्रिपाठी ‘निराला’, डॉ0 शिवमंगल सिंह ‘सुमन’, बाबू भगवती
चरन वर्मा, डॉ0 रामविलास शर्मा जइसन साहित्यकारन के साथै, विधानसभा के
पहिले वाले अध्यक्ष श्री हिरदय नारायन दीक्षित जी यहि जिला से सम्बन्ध राखत हैं।
मुख्यमंत्री जी कहेन कि प्रदेश मा विकास के परकिरिया के साथै विरासत का आगे
बढ़ावै के अभियान लगातार चलत अहइ। उन्नाव बरे जउन परस्ताव आए हयें, ऊ सब
परस्तावन का हम सब प्राथमिकता के आधार पै मान लिहे हई। प्रदेश मा पइसा
के कउनौ कमी नाहीं अहइ। उत्तर प्रदेश का साक्षात पर्भू श्रीराम अउ माई गंगा के
आसीरबाद मिला अहइ। बांके बिहारी अउ बाबा बिस्वनाथ के किरपा बरसत रहति अहइ। अब
परब अउ तिउहार गरीब बरे उत्सव वाला माहौल अउ ओके मुँहना पै खुसहाली
लइके आवत हयें। उ सुरच्छा के माहौल मा खुसी के साथै परिवार के साथ उत्सव के
आनन्द लेत अहइ।
मुख्यमंत्री जी कहेन कि जब बीते समइ हम हिंया आए रहे, त स्वामी जी ने हिंया
के पीरा बतावत भए कहे रहेन कि इ जिला के एक कइत लखऩऊ अउ दूसर कइत कानपुर
बसा अहइ, बीच मा बसा जिला उन्नाव अपने आपका उपेक्षित समझत अहइ। तब
हम कहे रहे कि अब इ जिला उपेक्षित नाहीं रही। उन्नाव विकास से जुड़ल
हर एक योजना से जुड़ी। आज इ जिला का हर कइत से 4-लेन के जुड़ाव
मिल गवा अहइ। उन्नाव के मनई चाहैं त गंगा एक्सप्रेस-वे के जरिये
लखऩऊ का बाइपास कइके सीधे दिल्ली अउ प्रयागराज पहुँच सकत हयें। कानपुर से
लखऩऊ बरे एक ग्रीनफील्ड एक्सप्रेस-वे बनत अहइ। उन्नाव अउ कानपुर के
जुड़ाव का अउर नीक बनावै बरे गंगा नद्दी पै अउर पुलन के माँग
के हिसाब से पुलन के बनावा जाइ। पइसा के कउनौ कमी नाहीं होय दी जाइ।
कउनौ भी हाल मा उन्नाव का पाछे नाहीं रहै दी जाइ।
मुख्यमंत्री जी कहेन कि उन्नाव मा डिफेंस मैन्युफैक्चरिंग कॉरिडोर बरे
700 एकड़ अउ गंगा एक्सप्रेस-वे पै इण्डस्ट्रियल क्लस्टर बनावै बरे
लगभग 200 एकड़ जमीन अधिग्रहण के कारवाही पूरी कइ ली गइ अहइ। हिंया तेजी के
साथै नवा उद्योग लगिहैं, जेसे जवानन का घरे पै रोजगार मिली।
उन्नाव का स्टेट कैपिटल रीजन के हिस्सा बनावा गवा अहइ। अब विकास लखऩऊ तक सीमित
नाहीं रही, बल्कि उन्नाव होत भए कानपुर तक जाइ। जइसे पहिली रैपिड रेल
दिल्ली से मेरठ तक सुरु की गइ अहइ। वइसै ही, लखऩऊ से उन्नाव होत भए
कानपुर तक रैपिड रेल के परस्ताव आगे बढ़ावा जात अहइ। लखऩऊ, उन्नाव, हरदोई,
सीतापुर, बाराबंकी, रायबरेली आदि जिलन का जोड़ै बरे रिंग रोड बनावा
जाइ। इ सब जिला आपुस मा जुड़िके परदेस के विकास मा भागीदार बनिहैं।
उन्नाव का विकास परकिरिया मा विकसित उन्नाव के रूप मा देखावै बरे
बहुतै कदम उठाये जात हयें।
मुख्यमंत्री जी कहेन कि परदेस के अलग-अलग जिलन मा अलग-अलग क्लस्टर
बनावै बरे बड़वार कारज योजना बनत अहइ। वर्ल्ड क्लास
इन्फ्रास्ट्रक्चर बनावै के तैयारी चलत अहइ। अबहिन का ध्यान मा राखत
भए हम सब विकास के अगलइया 100 बरिस के कारज योजना लइके आगे बढ़त अही। गंगा
एक्सप्रेस-वे देस के सबसे बड़ा एक्सप्रेस-वे अहइ। इ एक्सप्रेस-वे के बनावै
मा ग्लोबल स्टैण्डर्ड लागू कीन गवा अहइ। एकर राइडिंग क्वालिटी दुनिया के
सबसे नीक सड़कन मा से एक अहइ। उन्नाव भी इ एक्सप्रेस-वे से जुड़ा अहइ। एकर
उदघाटन प्रधानमंत्री जी के हाथन से उन्नाव अउ हरदोई के बीच मा कीन गवा।
प्रधानमंत्री जी के स्वागत बरे उन्नाव के लोग बड़ी खुसी के साथै आए रहेन।
मुख्यमंत्री जी कहेन कि परदेस मा सबसे नीक इन्फ्रास्ट्रक्चर मौजूद अहइ।
एक्सप्रेस-वे अउ एयर कनेक्टिविटी मा उत्तर प्रदेश के एकाधिकार अहइ। देस के
सबसे बड़ा एयरपोर्ट नोएडा इण्टरनेशनल एयरपोर्ट सुरु होइ गवा अहइ। इ परदेस
के ग्रोथ इंजन के कहानी बनै जात अहइ।
मुख्यमंत्री जी कहेन कि उत्तर प्रदेश देस के विकास मा लगातार जोगदान देता
रही। अबहीं खाली दुइ बिधानसभा छेत्रन मा विकास के कामन के लोकार्पण अउ
सिलान्यास कीन जात अहइ। हम आगे भी दूसर बिधानसभा मा विकास योजना
लइके अइबे। विकास के परकिरिया तेजी के साथै आगे बढ़ी। नीक लोग चुनि के आवत
हयें, यहि बरे विकास होत अहइ। प्रधानमंत्री जी समूचे भारत का आपन घर अउ
भारत के 140 करोड़ लोगन का आपन परिवार माने हयें। हम उत्तर प्रदेश का घर अउ
उत्तर प्रदेश के 25 करोड़ जनता का परिवार मानित हई। ओनके हितन के बढ़ावै,
ओनके सुरच्छा अउ खुसहाली के चिंता करब हम सब के मिशन के हिस्सा अहइ।
मुख्यमंत्री जी कहेन कि आज हिंया लरिकन के अन्नप्रासन के बखत साक्षी जी
महाराज कहेन कि पहिले लरिकन रोवत रहेन, लकिन जब लरिकन हमरे पास आए, त
उ सब रोवब बन्द कइ दिहिन। हम कहे कि लरिकन भगवान के देन होत हयें, ओनका
पता अहइ कि अब ओनकर भबिस्य सुरच्छित अहइ। इ पीढ़ी देस के भबिस्य का सुरच्छित
करत भए प्रधानमंत्री जी के विजन का आगे बढ़ाई। डबल इंजन के सरकार पूरी मजबूती
के साथ उन्नाव के जवानन, हिंया के आधी आबादी, गरीब के उत्थान, अन्नदाता
किसान के खुसहाली बरे ठाढ़ अहइ। वीर सहीद गुलाब सिंह लोधी जी के याद मा
बना पुलिस ट्रेनिंग इस्कूल के छमता का हम दुगुना करै मा सफल होइ चुके
हई। उ वीर नायक के प्रति इ हमार सच्ची सरधांजलि अहइ।
कार्यक्रम के बखत जिला उन्नाव के विकास से जुड़ल एक छोट फिलिम देखाई
गइ।
कार्यक्रम का सांसद डॉ0 स्वामी सच्चिदानन्द हरि साक्षी जी महाराज ने भी
सम्बोधित किहिन।
इ मौका पै उच्च सिच्छा राज्यमंत्री श्रीमती रजनी तिवारी, विधान परिसद सदस्य
श्री रामचन्द्र परधान, बिधायक श्री पंकज गुप्ता, श्री आशुतोष सुकुल, श्री
अनिल सिंह, श्री श्रीकान्त कटियार, श्री ब्रजेस रावत अउ श्री बम्बालाल दिवाकर
सहित अउर बड़े लोग मौजूद रहेन।
———
—
—
सहायक निदेसक,
मुख्यमंत्री सूचना परिसर,
लोक भवन, लखऩऊ
फोन न. : 0522-2236094
मोबाइल न. : 9453005344
www.information.up.nic.in
