गुवाहाटी, छह अक्टूबर। असम कै नगांव लोकसभा सीट पर उपचुनाव खर्तिन मंगलवार सबेरे सात बजे मतदान सुरु भवा। सबेरे सेइ मतदान केंद्रों के बाहेर वोटर्स, विशेषकर मेहरतारिन कै लंबी लाइन देखै मिली।
यह उपचुनाव कांग्रेस सांसद प्रद्युत बोरदोलोई के इस्तीफा देय के बाद जरूरी होइ गवा रहा। बोरदोलोई लोकसभा से इस्तीफा दै के बाद बीजेपी कै टिकट पर दिसपुर विधानसभा सीट से चुनाव लड़िन अउर जीत हासिल करिन।
उपचुनाव मां कुल १५ उम्मीदवार मैदान मां अहैं, पै मुख्य मुकाबला भारतीय जनता पार्टी (बीजेपी) कै उम्मीदवार अउर आईएएस के पूर्व अधिकारी देवाशीष शर्मा, पूर्व कांग्रेस विधायक शिवमोनी बोरा तथा ऑल इंडिया यूनाइटेड डेमोक्रेटिक फ्रंट (एआईयूडीएफ) प्रमुख बदरुद्दीन अजमल के बीच माना जाइ रहा अहै।
अधिकारियों बताइन कि जिला प्रशासन सुरक्षा के कड़े इंतजाम कइने बा अउर ६२४ मतदान केंद्रों कै संवेदनशील घोषित कीन्ह गवा अहै। नगांव लोकसभा क्षेत्र मां कुल १९.०५ लाख मतदाता अहैं।
मतदान संझा पांच बजे समाप्त होई, जबकि मतगणना नौ अक्टूबर कै कीन्ह जाई।
