कर्नाटक बीजेपी अध्यक्ष बी.वाई. विजयेंद्र सोमवार कै दावा करिन कि अगर अभी चुनाव होइ जांय, तौ कैबिनेट मंत्री लोगन समेत कांग्रेस कै 25 विधायक बीजेपी मां सामिल होइ जइहें। इ बयान पर मुख्यमंत्री डी.के. शिवकुमार तीखा प्रतिक्रिया दीहिन अउर राज्य बीजेपी प्रमुख से कहिन कि उ बिना समय बर्बाद कीन इ नेता लोगन कै पार्टी मां सामिल कइ लेव।
जब उनसे पूछा गवा कि का बीजेपी सत्ताधारी पार्टी कै मंत्री लोगन कै अपन पार्टी मां लाने कै कोसिस करत अहै, तौ विजयेंद्र कहिन कि राज्य कै माहौल बीजेपी कै पक्ष मां होइ गवा अहै अउर कांग्रेस कै कईयन नेता पाला बदलेक तैयार अहैं।
विजयेंद्र पत्रकारन से कहिन कि हमारन अइसन करै (नेतान के तोड़ेक) कउनो ज़रूरत नाइ अहै, बकि पार्टी कै राज्य अध्यक्ष कै नाता हम एक बात साफ-साफ कहब: अगर कलहूँ चुनाव कै घोषणा होइ जाव, तौ डी.के. शिवकुमार कै कैबिनेट कै मंत्री लोगन समेत 25 विधायक बीजेपी मां सामिल होइ जइहें। अइसन माहौल पहिले से बन चुका अहै।
बीजेपी नेता कै दावा कै हल्का में लेइत भवे शिवकुमार कहिन कि उनकै बिना कउनो डेर कीन उ नेता लोगन कैअपन पार्टी मां सामिल कइ लेव चाही। सीएम उ दावा कै मजाक उड़ावत कहिन कि पहिले उनसे कहव कि उउनकै अपन पार्टी मां सामिल करैं। उनकै इमा डेर नाइ करै चाही।
उ राज्य सभा चुनावन मां क्रॉस-वोटिंग कै लइके बीजेपी अउर जेडीएस पर भी तंज कसिन। उ कहिन कि कुमारस्वामी अउर विजयेन्द्र, दुनू जनै इ नाइ बतापाइन कि कवन क्रॉस-वोटिंग करिस। उनकै नेता लोगन कांग्रेस कै पक्ष मां क्रॉस-वोटिंग करिन। उनकै अउर का चाही? उनकै (विजयेन्द्र कै) समय बर्बाद नाइ करै चाही अउर नेता लोगन कै पार्टी मां सामिल कइ लेव चाही।
कथित स्टिंग ऑपरेशन कै दावन से जुड़ेड एक सवाल कै जवाब देत भवे विजयेंद्र कहिन कि कर्नाटक कै राजनीति कबहूँ इत्तु निचले स्तर पर नाइ गिरी रहा अउर आरोप लगइन कि राज्य मां हाल ही कै घटनावन से राजनेता लोगन के प्रति जनता कै सम्मान कम होत अहै। उ कहिन कि अइसन खबर आई अहै कि कुछ कांग्रेस नेतान राजनीतिक सत्ता पावै खातिर अइसन हथकंडा अपनाए अहैं।
उ आगे कहिन कि आवै वाले दिनन मां सब कुछ सामने आइ जाइ। इ राजनीतिक अनैतिकता अहै। जउन लोग अइसन गलत गतिविधि मां सामिल रहे अहैं, उनकै एक परिणाम भुगतै पड़ी।
इ मामला पिछ्ले हफ्ता तब सामने आवा जब शिवकुमार कथित तौर पर अपन कैबिनेट सहकर्मी लोगन कै आगाह कीन्हिन कि उनकै स्टिंग ऑपरेशन के जरिया फँसावै कै कोसिस होइ रहा अहै। एककै बाद मुख्यमंत्री कहिन कि उनकै अच्छि तरे से पता अहै कि उनकै अउर उनकै मंत्री सहकर्मी लोगन के खिलाफ स्टिंग ऑपरेशन करै कै कोसिस कै पीछे कवन अहै, अउर उनकै खिलाफ साजिश रचै खातिर प्राइवेट एजेंटन कै कवन पइसा देत अहै।
