ब्राजील मां राष्ट्रपति पद खर्तिन वोटिंग आज

ब्राजील मां राष्ट्रपति कै चुनाव खर्तिन एतवार कै मतदान होना बा। अइसे मां पक्ष अउर विपक्ष दुनूं अपनी पूरी ताकत लगाय कै जनता कै अपने पक्ष मां करै कै कोसिस कर रहें हैं। रन-ऑफ चुनाव (दूसरा दौर) मां लूला कै मुकाबला बोल्सोनारो से अहै। इ चुनाव मां वो चौथी बार सत्ता मां आवै कै कोसिस करहीं। वहीं 45 साल के युवा नेता दक्षिणपंथी सीनेटर फ्लेवियो बोल्सोनारो सत्ता मां आवै खर्तिन कड़ा संघर्ष करहीं। इ बार मुकाबला मां अउर ज्यादा रोमांच बना बा।

लूला फेंकिन ट्रंप कार्ड
पहले दौर मां पिछड़ चुके लूला अब चुनाव मां जीत खर्तिन ट्रंप कार्ड फेंकिन हें। उ चुनाव से ठीक पहले जनता कै 5 बड़ी राहत देय कै घोषणा कीहिन हें।

गरीबन कै सरकारी मदद 15% बढ़ाब (11,400 करोड़ खरचा)
हफ्ता मां 6 कै जगह 5 दिन काम
छोटे कारोबारियन खर्तिन सस्ता कर्ज
पेट्रोल पर एक महीना खर्तिन टैक्स खतम करब
दुइ दिन मुफ्त पब्लिक ट्रांसपोर्ट

बताय दीव कि इ आर्थिक मदद बढ़ै से पांच करोड़ लोगन कै फायदा होई। इ से पहिले लूला कई बार वैश्विक पटल पर अमेरिकी राष्ट्रपति ट्रंप का खुला विरोध कर चुके हें।

नवा पीढ़ी का साधै मां जुटे नेता
मौजूदा राष्ट्रपति अउर वामपंथी नेता लुइज इनासियो लूला डा सिल्वा जेकर उम्र 80 साल अहै, उनका मुकाबला 45 साल के युवा से अहै। बोल्सोनारो जेन-जी का अपने पक्ष मां करै कै हुनर का जानत हें। वहीं लूला भी इ उम्र मां स्मार्टफोन चलावै सीखै कै कोसिस कइके नवा पीढ़ी से जुड़ै कै प्रयास कर रहें हैं।

पहिला दौर मां कौन रहा आगे?
हालहि मां चार अक्टूबर को भवा मतदान के पहिला दौर मां फ्लेवियो बोल्सोनारो सबसे आगे रहें। इ पर अमेरिकी राष्ट्रपति डोनल्ड ट्रंप प्रतिक्रिया देत हुवे बहुत बड़ी जीत बताय रहें। अब इ चुनाव उनकै हाथ से निकल सकत बा। कुल मिलाय के वो हारै की स्थिति मां हें। इ से पहिले कबहूं अउर अइसे नाहीं भवा कि पहिला दौर मां पीछे रहै वाला कोई उम्मीदवार दूसरा दौर मां पिछड़ै की स्थिति का पलटकर जीत हासिल कर लेव।

कन मुद्दा पर होइ रहा चुनाव?
बोलसोनारो के समर्थक उनकै आखिरी चुनावी रैली मां बहुत उत्साहित रहें। उनका पूरा भरोसा रहा कि बोलसोनारो संगठित अपराध के खिलाफ सख्त कार्रवाई करहीं। एक साथहि टैक्स अउर सरकारी खरचा मां कटौती की उम्मीद भी उनतुक की जात रही। समर्थक उनतुक से अपने वादा के जरिए ब्राजील मां बदलाव की राह कै इंतजार कर रहें। उ मतदान से ठीक पहिले मिनास गेरैस की राजधानी बेलो होरिज़ोंटे मां प्रचार कीहिन। 1980 के दशक सेहि, इहाँ जीतै वाला काहि राष्ट्रपति पद की कुर्सी मिलि बा।

कौन हें बोल्सोनारो?
फ्लेवियो बोल्सोनारो, पूर्व दक्षिणपंथी राष्ट्रपति जायर बोल्सोनारो के बेटा हें। जायर बोल्सोनारो 2022 का पिछला चुनाव हारै के बाद तख्तापलट की साजिश रचै के आरोप मां 27 साल की जेल की सजा काट रहें हें।