मध्य प्रदेश के मुख्यमंत्री मोहन यादव कै ‘डायल-112’ वॉट्सऐप नंबर कै जरिये प्रान से मारै कै धमकी दैयै के आरोप मां एक जने कै गिरफ़्तार कीन गवा अहै। जांच करै वाले कहत अहैं कि आरोपी ई मैसेज धमकी कै असल मां अंजाम दैयै के इरादे से नाहीं, बल्कि अप्पन बाप कै फंसावै अउर गिरफ़्तार करवै के मकसद से भेजिस रहा।
पुलिस कै मुताफिक, धमकी भरा मैसेज 23 सितंबर कै सुक्वा लगभग 11:30 बजे मिला रहा। मध्य प्रदेश के बुरहानपुर के रहनिहार आरोपी, मैसेज कै डिलीट करै से पहिले ओहू कै दुइ बेर एडिट कै चुका रहा। हालांकि, डायल-112 के करमचारियों मैसेज कै स्क्रीनशॉट लेइ लिहिन, जवइसे जांच करै वालेन् कै जांच शुरू करै मां मदद मिलि गवा।
इकरे बाद मैसेज भेजयै वाला कै पता लगावै खातिर तकनीकी जांच शुरू कीन गवा। क्राइम ब्रांच आरोपी कै पता लगाइस अउर ओहू कै गिरफ्तार कै लिहिस। पुलिस कमिश्नर संजय कुमार गिरफ्तारी कै पुष्टि कीहिन अउर बताइन कि उ मनई अप्पन बाप से परेशान रहा। ओहू कै लागिस कि मुख्यमंत्री कै धमकी भरा संदेश भेजयै से पुलिस ओहूके बाप के खिलाफ कार्रवाई करी।
पुलिस कहत अहै कि आरोपी कै धमकी कै असल मां अंजाम दैयै काउ इरादा नाहीं रहा; उ ई संदेश एइ सोच के साथ भेजिस रहा कि इह्वे से ओहूके बाप कै गिरफ्तारी होइ जाई। घटना से जुड़ी परिच्छितियों अउर संदेश भेजयै के पाछू के असली मकसद कै पता लगावै खातिर जांच जारी अहै।
पुलिस के मुताफिक, आरोपी कै पहिलेहू बिना रेलवे टिकट यात्रा करै के आरोप मां पकड़ा जा चुका अहै। ओहू कै भोपाल आवागावा अहै, जहां ओहूसे पूछताछ कीन जात अहै। जांच करै वाले जब उ मैसेज, आरोपी कै बातचीत अउर उ हालात कै जांच करिहैं जवइनके वजह से उ धमकी दिहिन रहा, तौ अउर जानकारी सामने आवै के उम्मीद अहै। पुलिस इ बात कै भी पता लगाई कि चलि रही जांच के नतीजों के आधार पर आगे का काूननी कार्रवाई कीन जाब चाही।
