हाल ही मां ब्रिटेन मां देखै का मिला अहै कि ChatGPT कै सर्च रिजल्ट मां फर्जी शॉपिंग वेबसाइट देखाई देइ लाग अहैं, जेकरे कारन लोग धोखाधड़ी कय शिकार बनै कय कगार पर अहैं। स्कैम-डिटेक्शन सर्विस ‘आस्क सिल्वर’ कय मुताबिक, साइबर अपराधी मशहूर रिटेल ब्रांड्स कय वेबसाइट कय नकली रूप तैयार कइ लिहिन अहै। जब ChatGPT से कछू पॉपुलर प्रोडक्ट्स कय बारे मां जानकारी माँगा गवा, तौ कछू मामला मां इ फर्जी वेबसाइट्स कय भी रिजल्ट मां देखावा गवा।
इ नया स्कैम कैसे काम करत अहै? मान लईं कि आप कवनो ब्रांड कय बैग खरीदे चाहत अहा अउर ChatGPT से ओकर सुझाव माँगत अहा। AI कछू अइसन वेबसाइट दिखा सकत अहै जउन काम कय लागैं। अगर आप उहां दिहा गा लिंक पर क्लिक करब, तौ मुमकिन अहै कि आप कवनो फर्जी वेबसाइट पर पहुँच जाब। इ वेबसाइट्स बिल्कुल असली ब्रांड कय वेबसाइट जइसन दिखत अहैं, भारी डिस्काउंट कय दावा करत अहैं, अउर कस्टमर्स से पेमेंट या बैंकिंग जानकारी लेय कय कोशिश करत अहैं।
AI Poisoning का होय अहै? सिर्फ इहे कारन से कि कवनो वेबसाइट लिस्टिंग मां देखाई देत अहै, ओकरे ऊपर आँख मूँद कय भरोसा ना करेक चाही। ओकर लिंक कवनो पॉपुलर AI टूल मां इहे कारन से देखाई देइ गवा होइ काहेसे स्कैमर्स इंटरनेट पर बहुत ज्यादा मात्रा मां फर्जी कंटेंट अउर क्लोन कइ गा वेबसाइट्स अपलोड कइ देत अहैं। जेकरे नतिजा इ होत अहै कि, AI मॉडल्स गलती से इ गलत या गुमराह करै वाल सोर्स का असली अउर वैलिड मान लेत अहैं। इ प्रोसेस का ‘AI Poisoning’ कहा जात अहै अउर इ बहुत तेजी से बढ़त अहै।
शॉपिंग करत समय इ सब बातन कय खास ख्याल राखैं:
वेबसाइट कय URL पर ध्यान दईं: हमेशा ऑफिशियल डोमेन जइसे .com या .co.in का चेक करैं। अगर URL मां official, deals, या sale जइसे शब्द देखाई दइँ, तौ सचेत होइ जाईं।
बहुत बड़े डिस्काउंट से सावधान रहैं: 70% से लइ कय 90% तक कय छूट अक्सर फ्रॉड कय एक बड़ा संकेत होय सकत अहै।
सीधे ब्रांड कय वेबसाइट पर जाईं: कवनो AI टूल द्वारा दिहा गा लिंक पर क्लिक करै कय बजाय, खुद ब्राउजर पर उ ब्रांड कय नाम सर्च करैं अउर सीधे ओकर ऑफिशियल वेबसाइट पर जाईं।
