समाजवादी पार्टी के दिग्गज नेता आजम खान के मुश्किलें एक बार फिर बढ़ि गइ हैं। रामपुर क एमपी-एमएलए कोर्ट साल 2019 के हेट स्पीच मामले मा आजम खान का दोषी ठहरावत हुए 2 साल क सजा सुनाइस है। ई पूरा मामला उहइ समइ के डीएम आंजनेय कुमार सिंह पर अभद्र टिप्पणी करे से जुड़ा है।
का अहै पूरा मामला?
बतावा जात है कि 2019 के लोकसभा चुनाव के समइ आजम खान एक जनसभा मा डीएम पर निशाना साधत हुए कहे रहे कि ‘ई तनखइया अहइँ, इनते जूता साफ कराइब’। आजम खान के ई बयान के बाद खूब विरोध भवा रहा अउ उनके खिलाफ कानूनी कार्रवाई शुरू कीन गइ रही।
कोर्ट क फैसला
यही मामले मा सुनवाई करत हुए रामपुर की एमपी-एमएलए कोर्ट आजम खान का दोषी पाइस है। कोर्ट न सिर्फ सजा सुनाइस, बल्कि उन पर जुरमाना भी लगाइस। हालांकि, सजा सुनाये जाए के तुरंत बाद आजम खान का जमानत मिलि गइ है, मुला ई फैसला उनके बरे नई मुसीबत खड़ी कइ सकत है। पहिलेऊ से तमाम कानूनी मामला मा फंसे आजम बरे ई एक अउर बड़ा झटका आय।
